Zakir Khan : आलियाचं कौतुक, पण झाकिर खानला टोमणा; गोल्डी बहलच्या त्या वक्तव्याला झाकिरचं सणसणीत उत्तर, नेटकऱ्यांकडून होतोयं कौतुकाचा वर्षाव
नुकत्याच झालेल्या एका पुरस्कार सोहळ्यात निर्माते गोल्डी बहल यांनी मंचावर स्टँड-अप कॉमेडियन झाकिर खानवर खोचकपणे टीका करण्याचा प्रयत्न केला असता, झाकिरने आपल्या खास विनोदी शैलीत त्याला सडेतोड उत्तर दिल्याचा व्हिडिओ सध्या इंटरनेटवर धुमाकूळ घालत आहे. झाकिरने अभिनेत्री आलिया भट्टसोबत या कार्यक्रमाचे सूत्रसंचालन केले होते. जेव्हा गोल्डी आपली पत्नी अभिनेत्री सोनाली बेंद्रेसोबत एक पुरस्कार देण्यासाठी मंचावर आले, तेव्हा त्यांच्यात हा गंमतीशीर संवाद झाला. यानंतर जे घडले त्यामुळे प्रेक्षक खळखळून हसले आणि सोशल मीडियावर त्याची जोरदार चर्चा सुरू झाली. आलिया आणि झाकिरच्या सूत्रसंचालनाबद्दल बोलताना त्या चित्रपट निर्मात्याने मिश्किलपणे म्हटले, "आलिया, मला माहित आहे की ही तुझी पहिलीच वेळ आहे, अप्रतिम! झाकिर, तू यापेक्षा चांगले करू शकला असता."
या वक्तव्यावर झाकिर खानने सणसणीत उत्तर दिले. झाकिर म्हणाला की, "जिनसे व्यवहार रखना है उनकी तारीफ कर दी, हमको ट्रेन के नीचे फेको. गरीब आदमी अच्छी जगह आ गया बर्दाश्त नहीं हो रहा!", असे झाकिरने म्हणताच कार्यक्रमात एकच हशा पिकला. झाकिरवरील या टोमण्यासाठी सोशल मीडियावर गोल्डी बहलवर टीका केली जात आहे. त्यामुळे पुन्हा एकदा नेपोटिझमचा मुद्दा ऐरणीवर आला आहे.
ही खोडकरपणाची वृत्ती इथेच थांबली नाही. सूत्रसंचालन करत असताना, झाकिरने आदित्य धर दिग्दर्शित ब्लॉकबस्टर 'धुरंधर: द रिव्हेंज'बद्दल बॉलिवूडच्या असलेल्या 'बनावट प्रेमा'वर पुन्हा एकदा मजेशीर टोला लगावला. "तुम्ही कितीही अभिनंदनाच्या पोस्ट टाका, कितीही स्टोरीज टाका, मुलाखतींमध्ये कितीही वेळा सांगा की हा माझा आवडता चित्रपट आहे, पण खरं तर हे आहे की धुरंधरचा सगळ्यांना हेवा वाटतो," असे म्हणत त्याने या सर्व झगमगत्या कौतुकामागे दडलेल्या मत्सरावर बोट ठेवले.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.