Asha Bhosle Admitted : ज्येष्ठ गायिका आशा भोसले यांना हृदयविकाराचा झटका; मुंबईतील ब्रीच कँडी रुग्णालयात दाखल

मुंबई : हिंदी सिनेसृष्टीतील ज्येष्ठ गायिका आशा भोसले यांना हृदयविकाराचा झटका आला असून त्यांना उपचारासाठी मुंबईतील ब्रीच कँडी रुग्णालयात दाखल करण्यात आले आहे. मिळालेल्या वृत्तानुसार, पार्श्वगायिका आशा भोसले यांना हृदयविकाराचा झटका आला असून, शनिवार, 11 एप्रिल रोजी त्यांना मुंबईतील ब्रीच कँडी रुग्णालयात दाखल करण्यात आले आहे. त्यांच्यावर रुग्णालयातील आपत्कालीन वैद्यकीय सेवा विभागात उपचार सुरू आहेत. अद्याप त्यांच्या कुटुंबीयांकडून किंवा रुग्णालय व्यवस्थापनाकडून कोणतेही निवेदन आलेले नाही. पार्श्वगायिका आशा भोसले या भारतीय संगीत क्षेत्रातील महान आणि सर्वात अष्टपैलू कलाकारांपैकी एक आहेत. 70 वर्षांहून अधिक अनुभवासह, त्यांनी अनेक भाषा आणि संगीत प्रकारांमध्ये असंख्य गाणी गायली आहेत. आशा भोसले यांनी आर. डी. बर्मन यांच्यासारख्या महान संगीतकारांसोबत काम केले आहे. आपल्या वैशिष्ट्यपूर्ण आवाजासाठी आणि अनोख्या गायन शैलीसाठी ओळखल्या जाणाऱ्या आशा भोसले यांनी प्रतिष्ठित पद्मविभूषणसह अनेक पुरस्कार जिंकले आहेत. त्यांच्या प्रकृतीविषयी अधिकृत वैद्यकीय बुलेटिनची प्रतिक्षा केली जात आहे. तर भाजप नेते आणि कॅबिनेट मंत्री आशिष शेलार हे ब्रीच कँडी रुग्णालयात पोहोचत असल्याचे समजते. 

हेही वाचा : Zakir Khan : आलियाचं कौतुक, पण झाकिर खानला टोमणा; गोल्डी बहलच्या त्या वक्तव्याला झाकिरचं सणसणीत उत्तर, नेटकऱ्यांकडून होतोयं कौतुकाचा वर्षाव