Crime News: माता न तूच वैरिणी! गोंडस मूल दिसलं की पाण्यात बुडवून मारायची; स्वतःच्या मुलालाही सोडलं नाही

Crime News:हरियाणातील पानीपत जिल्ह्यातून एका महिलेकडून अतिशय भयानक गुन्हा उघडकीस आले आहेत. सुंदर मुलांना पाहताच पाण्यात बुडवून हत्या करणाऱ्या या आरोपी महिलेला अखेर पोलिसांनी अटक केली आहे. इतकंच नव्हे, तर संशय दूर राहावा म्हणून तिने स्वतःच्या लेकरालाही प्राण दिले नाहीत. या घटनेमुळे संपूर्ण परिसरात भीती आणि संतापाचं वातावरण पसरलं आहे.

ही घटना १ डिसेंबर रोजी समोर आली. पानीपतजवळील नौल्था गावात एका लग्नसमारंभात ६ वर्षांच्या विधी या चिमुरडीचा मृतदेह स्टोअर रूममधील पाण्याच्या टबमध्ये आढळला. सुरुवातीला ही दुर्घटना असल्याचं वाटलं, मात्र विधीचा मृत्यू संशयास्पद असल्याने पोलिसांनी सखोल तपास सुरू केला. त्यामध्ये समोर आलेले तपशील अंगावर काटा आणणारे आहेत.

 पोलिसांनी अटक केलेल्या आरोपी महिलेनं चौकशीत सांगितलं की, “माझ्यापेक्षा जास्त सुंदर दिसणाऱ्या कोणत्याही मुला-मुलीला मी सहन करू शकत नव्हते. सुंदर दिसले की मी त्यांना पाण्यात बुडवून मारून टाकायचे.” तिच्या डोळ्यांतील मत्सर इतका वाढला होता की, तिने आपल्या स्वतःच्या लहान मुलालाही मारण्याचा निर्णय घेतला. कारण इतर मुलांच्या मृत्यूवर शंका यायला नको  एवढी आकसाची वक्र मानसिकता तिच्यामध्ये निर्माण झाली होती.

आतापर्यंत या निर्दयी आईने चार लहान मुलांना बळी घेतल्याची कबुली दिली आहे. विधीसह तिच्या स्वतःच्या मुलाचा मृत्यूही तिच्याच कारणाने झाला आहे. उरलेल्या दोन मृत्यूंना कुटुंबीयांनी अपघात मानलं होतं, मात्र आता सर्व सत्य बाहेर आल्यानंतर त्यांचाही धक्का बसल्याचं बोललं जात आहे.

या आरोपीनं गुन्हा इतक्या कौशल्याने लपवला होता की, आधीपासूनच कोणाला तिच्यावर संशय नव्हता. मात्र विधीच्या मृत्यूने पोलिसांचं संशयाचं वर्तुळ घट्ट झालं आणि फक्त ३६ तासांत ही कसलीही भावना न बाळगणारी आई तुरुंगाच्या दारात पोहोचली. पोलिसांनी तिला न्यायालयात हजर केलं असून पुढील चौकशीसाठी रिमांड मिळण्याची शक्यता आहे.

या घटनेमुळे एक गंभीर प्रश्न उभा राहतो  जर आईच राक्षसी बनली तर मुलांची सुरक्षा कोण पाहणार? मुलांना सुरक्षित वातावरण देणाऱ्या कुटुंबातच असा नरक माजलेला असू शकतो, ही वस्तुस्थिती हादरवणारी आहे. मानसिक आजार, मत्सर आणि असुरक्षिततेची भावना यांचा काय परिणाम होऊ शकतो, याचा हा अत्यंत टोकाचा नमुना आहे.

पानीपत पोलिसांनी केलेली कारवाई निश्चितच कौतुकास्पद आहे. मात्र, अशा विकृत मानसिकतेचा अंदाज आधीच येऊन योग्य उपचार झाले असते, तर निरागस मुलांची चार जीवने वाचू शकली असती. आता संपूर्ण समाज आरोपीला कठोरात कठोर शिक्षा व्हावी अशी मागणी करत आहे.