मुख्यमंत्र्यांच्या हस्ते गृह विभागाच्या संकेतस्थळाचे अनावरण

नागपूर : महाराष्ट्र शासनाच्या गृह विभागाच्या नवीन संकेतस्थळाचे मुख्यमंत्री देवेंद्र फडणवीस यांच्या हस्ते अनावरण करण्यात आले. home.maharashtra.gov.in या नावाचे अद्ययावत संकेतस्थळ आता माहितीजालकावर उपलब्ध झाले आहे.

मुख्यमंत्र्यांच्या रामगिरी शासकीय निवासस्थानी गृह विभागाची बैठक पार पडली. या बैठकीत गृह विभागाच्या संकेतस्थळाचे अनावरण करण्यात आले. नवीन संकेतस्थळ वापरणाऱ्यासाठी सोपे व सुलभ करण्यात आले आहे.

गृह विभागाच्या नवीन संकेतस्थळावर विविध जलद दुवे उपलब्ध करून देण्यात आले आहेत. त्यामध्ये महाराष्ट्र कारागृह विभाग, महाराष्ट्र राज्य उत्पादन शुल्क, महाराष्ट्र राज्य उत्पादन शुल्क (ऑनलाईन सेवा), आपले सरकार, महाराष्ट्र राज्य पोलीस, बृहन्मुंबई पोलीस, महाराष्ट्र सागरी मंडळ, महाराष्ट्र शासन, मोटार वाहन विभाग, लाचलुचपत प्रतिबंधक विभाग, सरदार वल्लभभाई पटेल राष्ट्रीय पोलिस अकादमी, केंद्रीय अन्वेषण ब्युरो, पोलीस संशोधन केंद्र, (सीपीआर) पुणे, गुन्हे अन्वेषण विभाग पुणे, महाराष्ट्र सुरक्षा दल, मुंबई वाहतूक पोलीस, एनजेडीजी | राष्ट्रीय न्यायिक डेटा ग्रिड, देशाच्या सेवेत भारतीय पोलीस, राष्ट्रीय तुरुंग माहिती पोर्टल, ई-प्रोसिक्युशन आदी विभागांचे जलद दुवे उपलब्ध करून देण्यात आले आहेत.

याआधीच्या गृह विभागाच्या संकेतस्थळापेक्षा नवीन संकेतस्थळावर अनेक दुवे उपलब्ध करून दिले आहेत. त्यामुळे वापरकर्त्यांना नवीन संकेतस्थळ अधिक फायदा होणार आहे.