Accenture Lay Off : जागतिक IT क्षेत्रात मोठी टाळेबंदी! अ‍ॅक्सेंचरने 11,000 कर्मचाऱ्यांना दाखवला बाहेरचा रस्ता; कारण वाचून थक्क व्हाल

जागतिक IT क्षेत्रात पुन्हा एकदा टाळेबंदीचे वादळ उठले आहे. बहुराष्ट्रीय कन्सल्टिंग कंपनी अ‍ॅक्सेंचरने गेल्या तीन महिन्यांत तब्बल 11,000 कर्मचाऱ्यांना कामावरून कमी केले आहे. अमेरिकेचे माजी राष्ट्राध्यक्ष डोनाल्ड ट्रम्प यांच्या H-1B व्हिसा आणि टॅरिफ धोरणामुळे आधीच क्षेत्रात अनिश्चितता निर्माण झाली असताना, आता AI तंत्रज्ञानाच्या झपाट्याने अंगीकारामुळे ही मोठी कपात झाल्याचे स्पष्ट झाले आहे.

कंपनीने दिलेल्या माहितीनुसार, एआयशी जुळवून घेण्यात अपयशी ठरलेले कर्मचारी या कपातीच्या यादीत आले आहेत. कृत्रिम बुद्धिमत्तेचा वेगाने वाढणारा वापर आणि कॉर्पोरेट जगतातील घटलेली मागणी ही प्रमुख कारणे असल्याचे कंपनीचे मत आहे. अ‍ॅक्सेंचरने ही कारवाई त्यांच्या $865 दशलक्ष पुनर्रचना योजनेचा भाग असल्याचेही सांगितले. याशिवाय, आगामी महिन्यांत आणखी कपातीची शक्यता व्यक्त करण्यात आली आहे.

मीडिया रिपोर्ट्सनुसार, या टाळेबंदीचा सर्वाधिक परिणाम AI संबंधित कामांवर दिसून आला आहे. आवश्यक कौशल्ये आत्मसात करण्यात अयशस्वी ठरलेले कर्मचारी थेट बाहेरचा रस्ता दाखवला गेला. ऑगस्टच्या अखेरीस अ‍ॅक्सेंचरची एकूण कर्मचारीसंख्या 791,000 वरून 779,000 पर्यंत खाली आली आहे. कंपनीने नोव्हेंबरपर्यंत ही कपात सुरू राहील असा संकेत दिला आहे.

त्याचवेळी, कंपनीने रीस्किलिंग आणि रीस्ट्रक्चरिंग उपक्रमांतून सहा महिन्यांत अब्जावधी डॉलर्सची बचत करण्याचे ध्येय ठेवले आहे. कर्मचाऱ्यांना एजंटिक एआयबाबत प्रशिक्षण दिले जात असून, मूलभूत एआय कौशल्ये शिकवण्याची प्रक्रिया आधीच सुरू झाल्याचे सीईओ जुली स्वीट यांनी सांगितले. भविष्यातील क्लायंटच्या गरजा पूर्ण करण्यासाठी एआय हे महत्त्वाचे साधन ठरणार असल्याचे त्यांनी अधोरेखित केले.

भारतीय IT क्षेत्रही या बदलांपासून दूर राहिलेले नाही. याआधी टीसीएसने सुमारे 1.20 लाख कर्मचाऱ्यांना कमी करून, बदलत्या तंत्रज्ञानाशी जुळवून घेण्याचा निर्णय घेतला होता. कंपनीने हा पाऊल भविष्यासाठी आवश्यक धोरणात्मक बदल म्हणून मांडला. एआयमुळे व्यवसायाची कार्यपद्धती बदलत असून, कंपन्यांना आपले कर्मचारी व प्रक्रिया नव्या वास्तवाशी सुसंगत कराव्या लागत आहेत.

या घडामोडींमुळे स्पष्ट झाले आहे की जागतिक IT क्षेत्रात पुढील काही वर्षे एआयचं वर्चस्व राहणार आहे आणि टिकून राहण्यासाठी कर्मचाऱ्यांना नवीन कौशल्ये आत्मसात करणे अपरिहार्य ठरणार आहे.