Varun Dhawan Viral Video : अभिनेता वरुण धवनच्या ‘त्या’ व्हायरल व्हिडीओनंतर मुंबई मेट्रो प्रशासनाचा प्रवाशांना कडक इशारा

मुंबई : बॉलीवूड अभिनेता वरुण धवन मेट्रो कोचमध्ये पुल-अप्स करतानाचा व्हिडिओ सोशल मीडियावर व्हायरल झाल्यानंतर महा मुंबई मेट्रोने सोमवारी सार्वजनिक इशारा जारी केला आहे. व्हिडिओमध्ये अभिनेता वरुण धवन मेट्रो ट्रेनमधील ग्रॅब हँडलवर लटकलेला दिसत आहे. हे हँडल प्रवाशांना आधार देण्यासाठी असतात. या व्हिडिओवर प्रतिक्रिया देताना महा मुंबई मेट्रो ऑपरेशन कॉर्पोरेशन लिमिटेड (MMMOCL) ने अभिनेत्याला टॅग करून, एक्सवर प्रवाशांना इशारा देणारा व्हिडिओ शेअर केला आहे. पोस्टमध्ये म्हटले आहे की, व्हिडिओमध्ये अ‍ॅक्शन चित्रपटांमध्ये दिसणाऱ्या गोष्टींप्रमाणेच एक डिस्क्लेमर असायला हवा होता. ज्यामध्ये लोकांना हा अभिनय कॉपी करू नये, अशी चेतावणी देण्यात आलेली असते. 

हेही वाचा : Nashik Girish Mahajan : डॉ. बाबासाहेबांचं नाव न घेतल्याने महिला कर्मचाऱ्याचा संताप; महाजनांची प्रतिक्रिया समोर म्हणाले,

मेट्रो प्राधिकरणाने स्पष्ट केले की, ग्रॅब हँडल हे लटकण्यासाठी किंवा व्यायाम करण्यासाठी नसून प्रवाशांच्या सहाय्यतेसाठी आहे. हे दृश्य जरी मजेशीर किंवा छान दिसत असले तरीही असे करणे योग्य नाही. MMMOCL ने प्रवाशांना आठवण करून दिली की, असे वर्तन केवळ असुरक्षितच नाही तर बेकायदेशीरदेखील आहे. मेट्रो रेल्वे (ऑपरेशन्स आणि मेंटेनन्स) कायदा 2002 नुसार मेट्रो मालमत्तेला त्रास देणारी किंवा नुकसान करणारी कृत्ये दंडास पात्र ठरू शकतात. गंभीर प्रकरणांमध्ये गुन्ह्याच्या तीव्रतेनुसार असे कृत्य करणाऱ्यास तुरुंगवास देखील होऊ शकतो. मेट्रो प्रवासाचा आनंद घेणे आणि सामाजिकीकरण करणे ठीक असले तरी, असुरक्षित वर्तन टाळले पाहिजे. “तर लोकांनो, बाहेर फिरा, पण तिथे थांबू नका. महामुंबई मेट्रोमध्ये जबाबदारीने प्रवास करा,” असे पोस्टमध्ये म्हटले आहे.