जिल्ह्यात 68 जण कोरोनामुक्त ; 50 नव्याने पॉझेटिव्ह एकाचा मृत्यू

यवतमाळ, दि. 2 : वसंतराव नाईक शासकीय वैद्यकीय महाविद्यालयाच्या आयसोलेशन वॉर्ड, विविध कोव्हीड केअर सेंटर आणि कोव्हीड हेल्थ सेंटरमध्ये भरती असलेल्या 68 जणांनी कोरोनावर मात केल्यामुळे त्यांना रुग्णालयातून सुट्टी देण्यात आली.

24 तासात जिल्ह्यात 50 जण नव्याने पॉझिटिव्ह आले आहे. तसेच जिल्ह्यात एका कोरोनाबाधित रुग्णांचा मृत्यु झाला असून मृतकांमध्ये यवतमाळ शहरातील 42 वर्षीय पुरुषाचा समावेश आहे. जिल्हा परिषदेच्या आरोग्य विभागातर्फे प्राप्त अहवालानुसार बुधवारी एकूण 532 रिपोर्ट प्राप्त झाले. यापैकी 50 जण नव्याने पॉझेटिव्ह तर 482 जणांचे रिपोर्ट निगेटिव्ह आले.

जिल्ह्यात सद्यस्थितीत 469 ॲक्टीव्ह पॉझेटिव्ह आहे. तसेच आतापर्यंत एकूण पॉझेटिव्ह रुग्णांची संख्या 11606 झाली आहे. 24 तासात 68 जण कोरानामुक्त झाल्यामुळे जिल्ह्यात बरे झालेल्यांची एकूण संख्या 10763 आहे. तर जिल्ह्यात एकूण 374मृत्युची नोंद आहे. सुरवातीपासून आतापर्यंत 112463 नमुने पाठविले असून यापैकी 111970 प्राप्त तर 493 अप्राप्त आहेत. तसेच 100364 नागरिकांचे नमुने आतापर्यंत निगेटिव्ह आल्याचे जि.प. आरोग्य विभागाने कळविले आहे.