WPL Auction 2026: महिला प्रीमियर लीगचा पहिला मेगा लिलाव कधी, कुठे आणि कसा पाहता येईल?

WPL Auction 2026:  महिला प्रीमियर लीग (Women’s Premier League) चा पहिला मेगा लिलाव आज नवी दिल्ली येथे होत आहे. दुपारी 3.30 वाजता लिलाव प्रक्रिया सुरू होणार असून यंदा एकूण 277 खेळाडू बोलीसाठी उपलब्ध आहेत. यात 194 भारतीय आणि 83 परदेशी खेळाडूंचा सहभाग आहे. मुंबई इंडियन्स, दिल्ली कॅपिटल्स, रॉयल चॅलेंजर्स बेंगळुरू, गुजरात जायंट्स आणि यूपी वॉरियर्स हे पाच संघ जास्तीत जास्त 73 जागा भरण्याचा प्रयत्न करीत आहेत, ज्यात 50 भारतीय आणि 23 परदेशी आहेत. किमान संघाचा आकार 15 आहे आणि कमाल मर्यादा 18 आहे.  या मेगा लिलावात देश-विदेशातील अनेक नामवंत सिताऱ्यांचा समावेश आहे. मार्की सेटमध्ये असलेल्या खेळाडूंमध्ये दीप्ती, रेणुका सिंग, सोफी डेव्हिन, अमेलिया केर, एक्लेस्टोन, एलिसा हीली, मेग लॅनिंग आणि वोल्वार्ड्ट यांचा समावेश आहे. यामुळे लिलावादरम्यान या खेळाडूंवर मोठी बोली लागणार अशी अपेक्षा आहे.

हेही वाचा – Rohit sharma ODI Rankings : पुन्हा एकदा हिटमॅन ठरला वनडेचा बादशाह! न्यूझीलंडच्या खेळाडूकडून 'तो' किताब हिसकावत ठरला अव्वल
 
दरम्यान, UP वॉरियर्स फक्त एक खेळाडू राखून 14.5 कोटी रुपये पर्ससह लिलावात उतरले आहेत. ही सर्वाधिक रक्कम आहे. तथापी, दिल्ली कॅपिटल्स 5.70 कोटी पर्ससह लिलावात उतरले आहे. मुंबई इंडियन्स आणि दिल्ली कॅपिटल्स यांनी प्रत्येकी पाच खेळाडूंना रिटेन केले असल्याने त्यांना Right to Match (RTM) पर्याय नसेल. 

हेही वाचा – Commonwealth Games 2030: भारताला मिळाले 2030 राष्ट्रकुल क्रीडा स्पर्धेचे यजमानपद; अहमदाबादमध्ये रंगणार खेळांचे सामने

WPL 2026 मध्ये राखून ठेवलेले खेळाडू

मुंबई इंडियन्स: हरमनप्रीत कौर, नॅट सायव्हर-ब्रंट, हेली मॅथ्यूज, अमनजोत कौर, जी कमलिनी
रॉयल चॅलेंजर्स बेंगळुरू: स्मृती मानधना, रिचा घोष, एलिस पेरी, श्रेयंका पाटील
दिल्ली कॅपिटल्स: जेमिमा रॉड्रिग्ज, शफाली वर्मा, मॅरिझाने कॅप, अ‍ॅनाबेल सदरलँड, निकी प्रसाद
यूपी वॉरियर्स: श्वेता सेहरावत
गुजरात जायंट्स: अ‍ॅशले गार्डनर, बेथ मूनी

WPL लिलाव 2026  लाइव्ह स्ट्रीमिंग कुठे पाहणार?

WPL मेगा लिलाव आज नवी दिल्लीत होणार असून लिलाव प्रक्रिया भारतीय वेळेनुसार दुपारी 3.39 वाजता सुरू होणार आहे. महिला प्रीमियर लीग 2026 च्या मेगा लिलावाचे प्रक्षेपण स्टार स्पोर्ट्स नेटवर्कवर उपलब्ध असेल. आणि ऑनलाइन प्लॅटफॉर्मसाठी लाइव्ह स्ट्रीमिंग जिओहॉटस्टारच्या वेबसाइट आणि अॅपवर उपलब्ध असेल.