‘ही सूडबुध्दीने केलेली कारवाई’
उद्धव गटाचे नेते संजय कदम यांनी सदानंद कदमांवरील कारवाईचा निषेध केला आहे. “ही सूडबुध्दीने केलेली कारवाई आहे”, असे ते म्हणाले आहेत.
“दापोली येथील साई रिसॉर्टवर झालेली कारवाई ही सूडबुध्दीने केलेली आहे, या कारवाईचा मी निषेध करतो.” “कोकणातील पर्यटन उद्वस्त करण्याचे पाप सरकार करत आहे.”माजी मुख्यमंत्री उद्धव ठाकरे यांच्या सभेनंतर ही कारवाई केली जात आहे त्यामुळे शिंदे गटाकडून सूडबुध्दीने कारवाई केली जात आहे”, असे उद्धव गटाचे नेते संजय कदम म्हणाले आहेत.
काय आहे प्रकरण ?
शुक्रवारी ( १० मार्च ) सदानंद कदम यांना ईडीने ताब्यात घेतले आहे. दापोली, मुरुड येथील साई रिसॉर्टप्रकरणी ईडीने कारवाई केल्याची माहिती मिळाली आहे. उद्योजक सदानंद कदम हे माजी मंत्री रामदास कदम यांचे सख्खे लहान भाऊ आहेत. सदानंद कदम यांना घेऊन ईडीचं पथक मुंबईकडे रवाना झाल्याचीही माहिती मिळत आहे. सदानंद कदमांच्या रत्नागिरी खेड येथील कुडोशी या गावातील अनिकेत फार्म हाऊस येथून ईडीच्या अधिकाऱ्यांनी त्यांना ताब्यात घेतले आहे.
गेल्या काही दिवसापासून दापोलीतील साई रिसॉर्टप्रकरणी उद्धव गटाचे आमदार अनिल परब यांच्यावर भाजप नेते किरीट सोमय्या सतत आरोप करत होते. याच साई रिसॉर्टप्रकरणी सोमय्यांकडून सदानंद कदमांचेही नाव जोडण्यात आले होते.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.