Health Tips: प्रथिने आणि लोहाने समृद्ध असलेली तूर डाळ ‘या’ लोकांनी खाऊ नये

मुंबई: तुरीची डाळ खाणे आरोग्यासाठी फायदेशीर मानली जाते. तुरीमध्ये प्रथिनांसह अनेक पोषक घटक असतात, जे शरीरासाठी फायदेशीर मानले जातात. तुरीच्या डाळीबद्दल काय म्हणता येईल? या तुरीशिवाय भारतीय जेवण अपूर्ण आहे. ती बहुतेकदा दुपारच्या आणि रात्रीच्या जेवणासाठी बनवली जाते. लोक ती खूप चवीने खातात. पण तुम्हाला माहिती आहे का की अनेक पोषक तत्वांनी समृद्ध असलेली ही तूर डाळ काही लोकांसाठी धोकादायक ठरू शकते? चला जाणून घेऊया की कोणी तुरीची डाळ खाणे टाळावे.

या लोकांनी तूर डाळ का खाऊ नये ?
किडनीच्या रुग्णांसाठी हानिकारक : किडनीच्या रुग्णांनी तुरीचे सेवन टाळावे. तुरीच्या डाळीमध्ये पोटॅशियम भरपूर असते, ज्यामुळे किडनीच्या समस्या वाढू शकतात. या डाळीचे जास्त सेवन केल्याने किडनी स्टोन देखील होऊ शकतो.

हेही वाचा : Health Tips: दह्यात साखर मिसळून खावे की मीठ, जाणून घ्या दही खाण्याची योग्य पद्धत

जास्त यूरिक अ‍ॅसिड असलेले लोक : जास्त यूरिक अ‍ॅसिड असलेल्या लोकांनी तुरीची डाळ खाणे टाळावे, कारण त्यातील प्युरिनमुळे यूरिक अ‍ॅसिडची पातळी वाढू शकते आणि सांधेदुखी व सूज येऊ शकते. म्हणून, युरिक अ‍ॅसिडच्या रुग्णांनी तूरीऐवजी कमी प्युरिन असलेली मूग किंवा मसूर डाळ यासारख्या डाळींचे सेवन मर्यादित करावे. 

पोटाच्या समस्या असलेले लोक: तूर डाळीमुळे काही लोकांमध्ये पचन समस्या उद्भवू शकतात. त्यात असलेली प्रथिने पचण्यास जास्त वेळ लागतो. ज्यामुळे गॅस, अपचन आणि छातीत जळजळ होऊ शकते. मूळव्याधी असलेल्या लोकांमध्ये ते बद्धकोष्ठता वाढवू शकते, ज्यामुळे सूज किंवा रक्तस्त्राव होऊ शकतो. 

अ‍ॅलर्जी असलेले लोक: काही लोकांना तुरीच्या डाळीतील प्रथिनांची अ‍ॅलर्जी असू शकते, ज्यामुळे त्वचेवर पुरळ उठणे, अंगावर उठणाऱ्या पित्ताच्या गाठी येणे, खाज सुटणे आणि इतर लक्षणे उद्भवू शकतात. 

(Disclaimer : ही माहिती केवळ सामान्य ज्ञानासाठी प्रदान केली आहे. जय महाराष्ट्र या माहितीची कोणतीही हमी देत नाही. आरोग्यविषयक कोणताही निर्णय घेण्यापूर्वी तज्ज्ञ किंवा डॉक्टरांचा सल्ला घ्या.)