दीपक केसरकरांनी घेतले वडाळ्यातील मंदिरात दर्शन

मुंबई: श्रीराम नवमीचे औचित्य साधून शिवसेनेचे मंत्री दीपक केसरकर यांनी वडाळ्यातील श्रीराम मंदिरात जाऊन प्रभू श्रीरामाचे दर्शन घेतले. मंदिरात जाऊन प्रभू श्रीराम यांचे दर्शन घेतल्यानंतर मंत्री दीपक केसरकर यांनी माध्यमांशी संवाद साधताना, 'समाजातील सर्व घटकांसाठी सरकार प्रयत्नशील असेल', असे म्हटले. पुढे प्रभू श्रीराम यांना मानवंदना करून, 'प्रयत्नांना यश मिळावे', अशी प्रार्थना यावेळी मंत्री दीपक केसरकर यांनी केली.

'शेतकऱ्यांच्या पिकांना भरघोस उत्पन्न मिळावे', मंत्री दीपक केसरकर:

केसरकर म्हणाले, 'राम नवमीच्या दिवशी रामाच्या चरणी नतमस्तक होत सरकारच्या कार्यांना यश लाभावे, चांगला पाऊस पडावा, शेतकऱ्यांच्या पिकांना भरघोस उत्पन्न मिळावे आणि राज्यात सर्वत्र सुख-शांती नांदावी' अशी सदिच्छा मंत्री दीपक केसरकर यांनी व्यक्त केली.

पुढे मंत्री दीपक केसरकर म्हणाले, 'शासन विविध योजनांच्या माध्यमातून समाजातील प्रत्येक घटकापर्यंत मदत पोहोचवत आहे. या कामांना श्रीरामाची कृपा लाभावी, हीच माझी प्रार्थना आहे'.

मोठ्या संख्येने शिवसेना कार्यकर्ते उपस्थित:

या दर्शनाला स्थानिक नागरिक आणि शिवसेना कार्यकर्ते मोठ्या संख्येने उपस्थित होते. प्रभू श्रीराम नवमीच्या पार्श्वभूमीवर मंदिरात विशेष पूजा, अभिषेक आणि भजन-कीर्तनाचे आयोजन करण्यात आले होते. मंत्री दीपक केसरकर यांनी प्रभू श्रीराम यांच्याकडे साकडं घालताना कृषी आणि ग्रामीण विकासावर विशेष भर दिला. 'यंदाचा पाऊस चांगला पडेल आणि शेतकरी बळकट होतील, हीच श्रीरामचरणी प्रार्थना आहे', असे मंत्री दीपक केसरकर यांनी प्रभू श्रीराम यांच्याकडे प्रार्थना केली.