बंदर व गोदी कामगारांना मिळणार भरघोस पगारवाढ
बंदर व गोदी कामगारांना भरघोस पगारवाढीचा करार संपन्न झाला आहे.
मुंबई : बंदर व गोदी कामगारांना भरघोस पगारवाढीचा करार संपन्न झाला आहे. इंडियन पोर्ट असोसिएशन व सहा मान्यताप्राप्त कामगार महासंघ यांच्यामध्ये समझोता करार झाला. द्विपक्षीय वेतन समितीच्या बैठकीत करार झाला. सर्व बंदरांचे चेअरमन व सहा फेडरेशनच्या कामगार नेत्यांमध्ये करार झाला.द्विपक्षीय वेतन समितीचे अध्यक्ष राजीव जलोटा यांच्या अध्यक्षतेखाली झालेली बैठकीत करार झाला. बंदर व गोदी कामगारांना १ जानेवारी २०२२ ते ३१ डिसेंबर २०२६ असा ५ वर्षाचा पगारवाढीचा वेतन करार करण्यात आला.
बंदर व गोदी कामगारांना या करारातून नेमकं काय मिळालं?
- या वेतन करारानुसार ३१ डिसेंबर २०२१ च्या मूळ पगारात १ जानेवारी २०२२ चा ३० टक्के महागाई भत्ता विलीन कऱणार
- त्यावर ८.५० टक्के फिटमेंट दिले जाणार
- कामगारांना ३० टक्के घरभाडे भत्ता मिळणार
- नोकरीत असलेल्या कामगारांना प्रति महिना ५०० रुपये विशेष भत्ता
- तीन टक्के वार्षिक पगारवाढही मंजूर
- एक जानेवारी २०२२ पासून सध्याच्या प्रथेनुसार प्रभावी वेतनश्रेणी तयार केल्या जाणार
- पोर्ट वसाहतीमध्ये राहणाऱ्या कामगारांना कमीत कमी दोन हजार ८३० रूपये व जास्तीत जास्त १३ हजार ५९० रूपयांची वाढ
- वसाहतीत न राहणाऱ्या कामगारांना किमान पाच हजार ४१० रूपये व कमाल २५ हजार ५०० रुपयांची पगारवाढ
- निवृत्त झालेल्या कामगारांच्या निवृत्ती वेतनात किमान १ हजार १६५ तर कमाल ६ हजार ५४५ रुपये वाढ
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.