कोरेगाव भीमा हिंचासाचार प्रकरणी एकबोटेंच्या याचिकेवर सुनावणी

जय महाराष्ट्र न्यूज, मुंबई

कोरेगाव भीमा हिंसाचाराप्रकरणी समस्त हिंदू आघाडीचे प्रमुख मिलिंद एकबोटे यांच्या याचिकेवर आज सुनावणी होणार आहे. गुन्हा रद्द करण्याची मागणी मिलिंद एकबोटेंनी उच्च न्यायालयात केलीय. दरवर्षीप्रमाणे यंदाही 1 जानेवारी रोजी पुण्याच्या शिरूर तालुक्यातील कोरेगाव-भीमा येथे विजयस्तंभाला मानवंदना देण्यासाठी हजारो आंबेडकरी अनुयायी आले होते.

या दरम्यान त्यांच्यावर दगडफेक करण्यात आली. या हिंसाचाराप्रकरणी मिलिंद एकबोटे आणि शिव प्रतिष्ठानचे संभाजी भिडे यांच्याविरोधात गुन्हा दाखल झाला आहे. मात्र, मी घटनास्थळी उपस्थित नव्हतो, तेथील सीसीटीव्ही कॅमेरेचे फुटेजमध्येही मी दिसत नाही. माझ्यावर खोटे आरोप करण्यात आले असून हा गुन्हा रद्द करावा, अशी मागणी एकबोटेंनी उच्च न्यायालयात केली आहे. त्यावर उच्च न्यायालयात आज सुनावणी होणार आहे.