पंतप्रधान मोदी मॉरीशस सरकारकडून सन्मानित

पंतप्रधान नरेंद्र मोदी यांनी मॉरिशस प्रजासत्ताकाच्या 57 व्या राष्ट्रीय दिन सोहळ्यास प्रमुख अतिथी म्हणून उपस्थिती लावली. या सोहळ्यात, मॉरिशस प्रजासत्ताकाचे राष्ट्रपती धरमबीर गोकूल यांनी पंतप्रधान मोदी यांना 'ग्रँड कमांडर ऑफ द ऑर्डर ऑफ द स्टार अँड की ऑफ द इंडियन ओशन' (जी.सी.एस.के) हा मॉरिशसचा सर्वोच्च नागरी सन्मान प्रदान केला. हा पुरस्कार मिळवणारे पंतप्रधान नरेंद्र मोदी हे पहिले भारतीय नेते ठरले आहेत.

पंतप्रधान मोदी यांनी हा पुरस्कार भारत आणि मॉरिशस यांच्यातील विशेष मैत्रीला तसेच 1.4 अब्ज भारतीय नागरिक आणि मॉरिशसच्या 1.3 दशलक्ष बंधू-भगिनींना समर्पित केला.राष्ट्रीय दिन सोहळ्यात भारतीय नौदलाच्या संचलन पथकाने परेडमध्ये भाग घेतला. याशिवाय, भारतीय नौदलाचे एक जहाजही या निमित्ताने मॉरिशसच्या बंदरावर दाखल झाले.

काय आहे 'ग्रँड कमांडर ऑफ द ऑर्डर ऑफ द स्टार अँड की ऑफ द इंडियन ओशन' हा  पुरस्कार: 

हा  पुरस्कार मॉरिशस देशाचा सर्वोच्च नागरी सन्मान आहे. हा पुरस्कार मॉरिशस सरकारतर्फे देण्यात येतो आणि देशाच्या किंवा आंतरराष्ट्रीय पातळीवरील उल्लेखनीय योगदान देणाऱ्या व्यक्तींना सन्मानित करण्यासाठी प्रदान केला जातो.

पुरस्काराचे महत्त्व:
सर्वोच्च नागरी सन्मान: हा मॉरिशस सरकारचा सर्वात प्रतिष्ठित पुरस्कार आहे.

योगदानासाठी सन्मान: राजकीय, सामाजिक, सांस्कृतिक, शैक्षणिक आणि आर्थिक क्षेत्रात मोठे योगदान देणाऱ्या व्यक्तींना हा पुरस्कार दिला जातो.

प्रभावशाली व्यक्तींना मान्यता: देशाच्या विकासात किंवा आंतरराष्ट्रीय संबंध मजबूत करण्यासाठी महत्त्वपूर्ण भूमिका बजावणाऱ्या व्यक्तींना गौरवण्यासाठी हा 
पुरस्कार दिला जातो.

पुरस्काराची रचना:
हा पुरस्कार "Order of the Star and Key of the Indian Ocean" या श्रेणीअंतर्गत दिला जातो. यात वेगवेगळ्या श्रेणी असतात, आणि "ग्रँड कमांडर" ही त्यातील सर्वोच्च पदवी आहे.