US-Iran War : युद्ध संपवण्याच्या वाटाघाटी सुरू असतानाच इराणवर नवीन हल्ले; अमेरिकेने पाडले 4 ड्रोन
पश्चिम आशियातील संघर्ष थांबवण्यासाठी इराण आणि अमेरिकेने यशस्वीपणे एका प्राथमिक आराखड्यावर वाटाघाटी केल्या असल्याच्या इराणी माध्यमांच्या दाव्यांना व्हाईट हाऊसने फेटाळून लावत डोनाल्ड ट्रम्प शांतता कराराच्या वाटाघाटींवर असमाधानी दिसल्यानंतर काही तासांतच, अमेरिकेने इराणच्या काही भागांवर नवीन हल्ले केले. या हल्ल्यांमध्ये अमेरिकेने होर्मुझच्या सामुद्रधुनीजवळील एका ठिकाणाला लक्ष्य केले. एका अमेरिकी अधिकाऱ्याने या हल्ल्यांचे समर्थन करत सांगितले की, यामुळे अमेरिकी सैन्य आणि व्यापारी सागरी वाहतुकीला धोका निर्माण झाला आहे. जागतिक ऊर्जा किमतींमध्ये मोठी वाढ घडवणारे तीन महिने जुने युद्ध संपवण्यासाठी सुरू असलेल्या वाटाघाटींदरम्यान हे युद्ध आणखीनच पेटले आहे. इराणच्या बंदर अब्बास या बंदर शहराच्या पूर्वेला स्थानिक वेळेनुसार पहाटे सुमारे दीड वाजता तीन स्फोटांचे आवाज ऐकू आले. सुरू असलेल्या शस्त्रसंधीच्या काळात अमेरिकेने इराणवर हल्ला करण्याची ही दुसरी वेळ आहे. ज्याला इराणने दोन्ही देशांमधील नाजूक शस्त्रसंधीचे उल्लंघन म्हटले आहे.
इराण, अमेरिका आणि इस्रायल यांच्यातील संघर्ष भडकून आता 2 महिने उलटले आहेत. या कालावधीत, या युद्धाचे जागतिक अर्थव्यवस्थेवर अत्यंत गंभीर परिणाम दिसून आले असून भारतसह अनेक देशांमध्ये इंधन संकटामुळे महागाईने उच्चांक गाठला आहे. मात्र, आता या तणावाच्या वातावरणात संपूर्ण जगासाठी एक अत्यंत दिलासादायक आणि सकारात्मक बातमी समोर आली आहे. प्राप्त माहितीनुसार, इराणने आंतरराष्ट्रीय व्यापारी मार्गा संदर्भात घातलेली एक प्रमुख अट स्वीकारण्यास अमेरिका तयार झाली असून, यामुळे अत्यंत महत्त्वाच्या मानल्या जाणाऱ्या 'स्ट्रेट ऑफ होर्मुझ' (Strait of Hormuz) सागरी मार्गावरील व्यापारी जलवाहतूक पुन्हा सुरू होण्याचा मार्ग मोकळा झाला आहे.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.