Rahul Gandhi On Delhi Bomb Blast : दिल्ली बॉम्बस्फोटानंतर राहुल गांधींची पहिली प्रतिक्रिया, म्हणाले, ‘अत्यंत वेदनादायक आणि चिंताजनक…’

दिल्लीतील लाल किल्ल्याबाहेर झालेल्या कार बॉम्बस्फोटात आतापर्यंत ११ जणांचा मृत्यू झाला आहे, तर ३० हून अधिक लोक जखमी झाले आहेत.मृतांचा आकडा वाढू शकतो असे वृत्त आहे. स्फोटानंतर पंतप्रधान नरेंद्र मोदी यांनी गृहमंत्री अमित शहा यांना फोन करून घटनेची चौकशी केली. दरम्यान, लोकसभेतील विरोधी पक्षनेते काँग्रेस नेते राहुल गांधी यांनी या घटनेवर दुःख व्यक्त केले.राहुल गांधींनी X वर लिहिले की, दिल्लीतील लाल किल्ला मेट्रो स्टेशनजवळ कार स्फोटाची बातमी अत्यंत वेदनादायक आणि चिंताजनक आहे.

एका दुःखद अपघातात अनेक निष्पाप जीव गमावल्याची बातमी खूप दुःखद आहे. त्यांनी म्हटले की, “या दुःखाच्या वेळी, ज्यांनी आपल्या प्रियजनांना गमावले आहे अशा शोकाकुल कुटुंबांसोबत ते उभे  आहोत.

स्फोट झाला तेव्हा रस्त्यावरील सर्व वाहने लाल दिव्यामुळे थांबली होती आणि परिसरात मोठ्या संख्येने लोक होते. तथापि, स्फोट झाल्यावर सर्वत्र घबराट पसरली. लोक जीव वाचवण्यासाठी पळू लागले.