Cyclone Alert Odisha: ओडिशावर चक्रीवादळाचे सावट, सर्व जिल्ह्यांना हाय अलर्ट
भुवनेश्वर: बंगालच्या उपसागरावर निर्माण होत असलेल्या कमी दाबाच्या क्षेत्रामुळे येत्या सोमवारपर्यंत एक चक्रीवादळ तयार होण्याची शक्यता हवामान विभागाने व्यक्त केली आहे. त्यामुळे ओडिशा सरकारने राज्यातील सर्व जिल्ह्यांना आणि महत्त्वाच्या विभागांना उच्च सतर्कतेवर ठेवण्याचे आदेश दिले आहेत. आपत्ती व्यवस्थापनासाठी आवश्यक सर्व साहित्य साठवून ठेवण्यात आले असून, जिल्हाधिकारी सतत परिस्थितीवर नजर ठेवत आहेत, अशी माहिती राज्याचे मंत्री सुरेश पुजारी यांनी दिली.
भारत हवामान विभागाच्या (IMD) अंदाजानुसार, सध्या बंगालच्या दक्षिण-पश्चिम भागात सक्रिय असलेले कमी दाबाचे क्षेत्र शनिवारी संध्याकाळपर्यंत दाबक्षेत्रात रूपांतरित होण्याची शक्यता आहे. रविवारपर्यंत ते अधिक तीव्र होत खोल दाबक्षोभ तयार करू शकते आणि सोमवारी चक्रीवादळाचा जोर वाढू होऊ शकते.
चक्रीवादळाच्या संभाव्य मार्गामुळे तीन दिवस मुसळधार पावसाचा अंदाज IMD ने वर्तवला आहे. विशेषतः किनारी भागांसह 17 जिल्ह्यांना यलो अलर्ट देण्यात आला असून, विजांसह वादळी वाऱ्यांचा इशारा देण्यात आला आहे. वाऱ्याचा वेग ताशी 30 ते 40 किमीपर्यंत जाऊ शकतो, असा अंदाज व्यक्त करण्यात आला आहे.
हेही वाचा: Delhi Air Pollution: दिल्लीकरांनो सावधान… हवा अजूनही खराबच, घ्या आरोग्याची काळजी!
गंजम, गजपती आणि रायगडा या जिल्ह्यांना ऑरेंज अलर्ट, तर उर्वरित अनेक जिल्ह्यांना यलो अलर्ट जारी केला आहे. चक्रीवादळ किनाऱ्याच्या अधिक जवळ आल्यास धोक्याची पातळी वाढवली जाण्याची शक्यता आहे.
मत्स्यव्यवसाय करणाऱ्या नागरिकांसाठी तातडीचा इशारा देत, कोस्ट गार्डने समुद्रात गेलेल्या मच्छीमारांना तुरंत किनाऱ्यावर परतण्याचे आवाहन केले आहे. तसेच समुद्रात पुन्हा न जाण्याचेही कठोर निर्देश देण्यात आले आहेत.
राज्य प्रशासनाने जनतेला अफवांपासून दूर राहण्याचे आणि सरकार तसेच हवामान खात्याच्या सूचनांचे काटेकोर पालन करण्याचे आवाहन केले आहे. चक्रीवादळाचा अचूक मार्ग निश्चित होताच पुढील निर्देश जारी केले जातील, असे स्पष्ट करण्यात आले आहे.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.