Gold Silver Rate Today: सण-समारंभाच्या तोंडावर सोन्याचे भाव कडाडले; पाहा प्रमुख शहरातील आजचे दर

भारतामध्ये 23 एप्रिल 2026 रोजी सोने-चांदीच्या दरांमध्ये सौम्य वाढ नोंदवली गेली आहे. आंतरराष्ट्रीय बाजारातील चढ-उतार, महागाईच्या अपेक्षा आणि डॉलरच्या तुलनेत रुपयाच्या मूल्यातील बदल यांचा थेट परिणाम देशांतर्गत दरांवर होताना दिसत आहे. सध्या 24 कॅरेट सोन्याचा दर प्रति ग्रॅम 15,474 रुपये असून 22 कॅरेट सोन्याचा दर 14,184 रुपये आहे. चांदी (999) सुमारे 2,64,900 रुपये प्रति किलो दराने व्यवहार करत आहे.

शहरनिहाय पाहता सोन्याच्या दरांमध्ये किरकोळ फरक दिसून येतो. दिल्लीमध्ये 24 कॅरेट सोन्याचा दर प्रति ग्रॅम 15,489 रुपये असून 22 कॅरेट सोन्याचा दर 14,199 रुपये आहे.

मुंबई आणि कोलकाता येथे 24 कॅरेट सोन्याचा प्रति ग्रॅम दर 15,474 रुपये तर 22 कॅरेटचा दर 14,184 रुपये आहे. चेन्नईमध्ये सोन्याचा दर सर्वाधिक असून 24 कॅरेटसाठी 15,545 रुपये आणि 22 कॅरेटसाठी 14,249 रुपये मोजावे लागत आहेत.

हेही वाचा: Chhatrapati Sambhaji Nagar Crime: 'आई, मला वाचवा…'; आधी पिस्तूल, मग केमिकल स्प्रे मारला आणि शेवटी सपासप वार; वाळूजमध्ये सासूच्या डोळ्यांदेखत सुनेला निर्घृणपणे संपवलं

चांदीच्या दरांमध्येही वाढ दिसून आली आहे. देशभरात चांदी (999) सुमारे 2,64,900 रुपये प्रति किलो दराने उपलब्ध आहे, तर स्टर्लिंग सिल्व्हर (925) जवळपास 2,64,000 रुपये प्रति किलो दराने विकली जात आहे. शहरनिहाय दर पाहता दिल्ली, मुंबई आणि कोलकाता येथे 10 ग्रॅम चांदीचा दर 2,649 रुपये आहे, तर चेन्नईमध्ये तो किंचित जास्त म्हणजे 2,749 रुपये आहे.

तज्ज्ञांच्या मते, आगामी काळात सोने-चांदीच्या किमतींवर जागतिक बाजारातील घडामोडी, औद्योगिक मागणी, सणासुदीतील खरेदी आणि रुपयाचे मूल्य यांचा प्रभाव कायम राहण्याची शक्यता आहे. त्यामुळे गुंतवणूकदारांनी बाजारातील बदल लक्षात घेऊनच निर्णय घ्यावा.

हेही वाचा: Online Gaming New Rule: 1 मे पासून लागू होणार गेमिंगचे नवीन नियम; तुमच्या आवडत्या गेम्सवर बंदी येणार का?