Arshdeep Singh-Daryl Mitchell Controversy : अर्शदीपची ‘ती’ कृती अन् मिशेलला राग अनावर! काही सेकंदांसाठी मैदानातील वातावरण तापलं; नेमकं काय घडलं?

काल रविवार 8 मार्च रोजी भारत विरुद्ध न्यूझीलंड यांच्यात टी20 वर्ल्ड कप स्पर्धेच्या अंतिम सामन्याची जोरदार चुरस पाहायला मिळाली. भारताने न्यूझीलंडवर 96 धावांनी दणदणीत विजय मिळवत तिसऱ्यांदा टी-20 विश्वचषकाची ट्रॉफीवर आपल नावं कोरलं आहे. भारताने न्यूझीलंडसमोर 256 धावांचा डोंगर रचला होता. ज्याला सामोरे जाताना न्यूझीलंड अवघ्या 159 धावांवर गारद झाला. 

हेही वाचा- T20 World Cup 2026: भारत विश्वविजेता ! न्यूझीलंडचा 96 धावांनी धुव्वा उडवत टीम इंडियाने ऐतिहासिक टी-20 विश्वचषकावर कोरलं नाव
क्रिकेटमधील सामने म्हटले की, त्यात खेळाडूंमध्ये बाचाबाची किंवा वादाची ठिणगी पेटणं तर सहाजिक आहे. अशीच काहीशी परिस्थिती कालच्या सामन्यात देखील पाहायला मिळाली. डॅरिल मिशेल आणि अर्शदीप सिंग यांच्यातील वादग्रस्त क्षण सध्या सोशल मीडियावर मोठ्या प्रमाणात व्हायरल होत आहे. 11 व्या ओव्हरमध्ये अर्शदीपने ऑफ स्टंपच्या बाहेर एक पूर्ण वाइड बॉल टाकला आणि मिशेलने तो चेंडू गोलंदाजाकडे परत मारण्यापूर्वी वळवला. यानंतर संतापलेल्या अर्शदीपने फॉलो-थ्रूमध्ये मिशेलच्या दिशेने जोरात फेकला. चेंडू स्टंपच्या बाहेर बराच लांब होता आणि मिशेलच्या उजव्या मांडीवर वरच्या दिशेने लागला.

हेही वाचा- Virat Kohli on T20 World Cup final : सामन्याला अनुपस्थित असणाऱ्या विराट कोहलीने भारतीय संघाचे केलं कौतुक, म्हणाला, ‘…आणि पुन्हा एकदा विश्वविजेते’
अर्शदीपची ही कृती पाहून डॅरिल मिशेल देखील तापला आणि तो तसाच अर्शदीपकडे तावातावात आणि त्याने त्याला शिवीगाळ करायला सुरुवात केली. यानंतर काही सेकंदांसाठी, स्पर्धेच्या मध्येच तणावाचे वातावरण निर्माण झाले. वाद अधिक चिघळू नये यासाठी टीम इंडियाचा कर्णधार सूर्यकुमार यादवने लगेच अर्शदीप आणि मिशेलच्या दिशेने धाव घेतली आणि मिशेलचे शांत शब्दात सांत्वन करु लागला. तसेच या घटनेदरम्यान पंच रिचर्ड इलिंगवर्थ यांनीही अर्शदीपशी बोलण्यासाठी हस्तक्षेप केला. त्या हस्तक्षेपामुळे वाद आणखी चिघळण्यापासून रोखता आला. 

अर्शदीप सिंगने डॅरिल मिशेलची माफी मागितली
दरम्यान सामना पार पडताच अर्शदीप मिशेलकडे माफी मागण्यासाठी गेला. यावेळी अर्शदीपने मिशेलला स्पष्ट केले की, तो चेंडू स्टंपवर फेकण्याचा प्रयत्न करत होता आणि फलंदाजाला लागलेला फटका पूर्णपणे अनावधानाने होता. या हावभावाने प्रकरणातील रेषा आखण्यास मदत झाली. दोघांनाही प्रकरण मिटवताना पाहिले गेले आणि मध्यभागी काही काळासाठी असलेला तणाव कमी झाला.