सेंच्युरिअन, २६ डिसेंबर २०२३, प्रतिनिधी : भारत आणि दक्षिण आफ्रिका यांच्यातील दोन कसोटी सामन्यांच्या मालिकेतील पहिला सामना सेंच्युरिअन येथे खेळवला जात आहे. या सामन्याचा पहिला दिवसाचा खेळ संपला. दिवसअखेर भारताने ८ बाद २०८ धावा केल्या. भारताकडून यष्टीरक्षक केएल राहुलने सर्वाधिक धावा केल्या. त्याने नाबाद ७० धावा केल्यामुळे भारताने २०० धावांचा टप्पा ओलांडला.
भारताकडून यशस्वी जयस्वालने १७ धावा, कर्णधार असलेल्या रोहित शर्माने ५ धावा, शुभमन गिलने २ धावा, विराट कोहलीने ३८ धावा, श्रेयस अय्यरने ३१ धावा, केएल राहुलने नाबाद ७० धावा, आर. अश्विनने ८ धावा, शार्दुल ठाकूरने २४ धावा, जसप्रीत बुमराहने १ धाव आणि मोहम्मद सिराजने नाबाद शून्य धावा एवढे योगदान दिले. दक्षिण आफ्रिकेकडून रबाडाने पाच, बर्गरने दोन आणि जॅन्सनने एक बळी घेतला.
भारत - दक्षिण आफ्रिका, पहिली कसोटी
पहिल्या दिवसाचा खेळ संपला
दिवसअखेर भारत ८ बाद २०८ धावा
मोहम्मद सिराज आणि केएल राहुल मैदानात
पावसामुळे पहिल्या दिवशी ५९ षटकांचा खेळ