पुणे, २८ एप्रिल २०२४ , प्रतिनिधी : पुणे जिल्ह्यातील बारामती, पुणे, शिरूर, मावळ लोकसभा मतदार संघातील महायुतीच्या उमेदवारांसाठी उद्या (२९ एप्रिल २०२४) पुण्यात पंतप्रधान नरेंद्र मोदी यांची सभा घेणार आहेत .या सभेला महाविजय संकल्प सभा असं नाव देण्यात आले आहे. या पुणे जिल्ह्यातील २ लाख महायुतीचे कार्यकर्ते पदाधिकारी उपस्थित राहणार आहेत. त्याचबरोबर मुख्यमंत्री एकनाथ शिंदे, उपमुख्यमंत्री अजित पवार, उपमुख्यमंत्री देवेंद्र फडणवीस ,अमित ठाकरे ,महादेव जानकर तसेच जिल्ह्यातील महाविकास आघाडीचे पदाधिकारी कार्यकर्ते उपस्तिथ असणार आहेत. या कार्यक्रमाची व्यापक तयारी सुरू असून, रेसकोर्स मैदानावर पोलिसांनी बंदोबस्त ठेवला आहे. सुमारे 3,000 व्हीआयपी उपस्थित राहणार असून, त्यांना पोलिस संरक्षणासह गटबद्ध करण्याची व्यवस्था करण्यात आली आहे.

बारामतीतून सुनेत्रा अजित पवार, शिरूरमधून शिवाजीराव आढाळराव पाटील, मावळमधून श्रीरंग बारणे, पुण्यातून मुरलीधर मोहोळ हे उमेदवार लोकसभा निवडणुकीत महायुतीचे प्रतिनिधित्व करणार आहेत. या मोहिमेचा एक भाग म्हणून रोड शोचे आयोजन करण्यात आले आहे. पंतप्रधान मोदींच्या रोड शोच्या तयारीसाठी महायुती युती एकवटली असून, महायुतीतील सर्व पक्षांचे नेते उपस्थित राहण्याची अपेक्षा आहे. पुणे जिल्हा लोकसभा मतदारसंघात निवडणूक लढविणाऱ्या उमेदवारांसाठी अनुकूल वातावरण निर्माण करणे हा या रोड शोचा उद्देश आहे.

या कार्यक्रमात कडक सुरक्षेच्या उपाययोजना केल्या आहेत, उपस्थितांना पाण्याच्या बाटल्यांसह कोणत्याही वस्तू बाहेरून आणण्यास मनाई आहे, कारण आत यासाठी तरतूद केली जाईल. पंतप्रधान मोदींच्या ताफ्याचे रेसकोर्स मैदानावर आगमन होण्यापूर्वी १५ मिनिटे आधी प्रवेश बंदी असेल.