मुंबई, १९ एप्रिल २०२४, प्रतिनिधी : राज्याचे सार्वजनिक बांधकाम मंत्री रवींद्र चव्हाण यांनी आपल्या इन्स्टाग्राम हँडलवर ‘मोदी मॅजिक’ नावाची रील सीरिज लाँच केली असून त्यात मोदी सरकारच्या दहा वर्षांच्या कामगिरीवर प्रकाश टाकण्यात आला आहे. चव्हाण यांच्या या अनोख्या प्रमोशनला युजर्सचा चांगला प्रतिसाद मिळत आहे.
रवींद्र चव्हाण यांनी काँग्रेस सरकारने २०१४ पूर्वी केलेली विकासकामे आणि मोदी सरकारने गेल्या १० वर्षांत केलेल्या विकासकामांची तुलना केली. पीएम आवास योजना, पेयजल योजना आणि मेक इन इंडिया सारख्या भाजप सरकारच्या महत्त्वाकांक्षी योजनांवर या रील्समध्ये प्रकाश टाकण्यात आला आहे. याशिवाय शहरी विकास, वीज, डेअरी, खादी ब्रँडिंग, निरोगी भारत अशा मोदीकेंद्रित प्रकल्पांचे रवींद्र कौतुक करत आहेत.
रवींद्र चव्हाण आपल्या खास रील सीरिजच्या माध्यमातून ते सोशल मीडियाच्या माध्यमातून मोदी सरकारची गेल्या दहा वर्षांतील विकासकामे मतदारांपर्यंत पोहोचवत आहेत. चव्हाण यांनी आपल्या सोशल मीडिया कॅम्पेनमध्ये पंतप्रधान मोदींवर खूप भर दिला आहे. याशिवाय यूपीए सरकारच्या काळात झालेल्या घोटाळ्यांचाही उल्लेख करत त्यांनी विरोधकांवर टीका केली आहे.
चव्हाण ‘सोशल मीडिया इन्फ्लुएंसर’च्या शैलीत महाराष्ट्रात भाजप आणि एनडीएची व्होट बँक मजबूत करण्यात गुंतले आहेत. गेल्या लोकसभा निवडणुकीत भाजप-शिवसेना युतीने राज्यातील लोकसभेच्या ४८ पैकी ४१ जागा जिंकल्या होत्या. रवींद्र चव्हाण यांची मोदी मॅजिक मालिका ज्या प्रकारे जनतेला आवडत आहे, त्यावरून यंदा महाराष्ट्रात कमळ अधिक जोरात फुलणार असल्याचे दिसत आहे.
