२१ जुलै, २०२४ सातारा : साताऱ्यातील जावळी तालुक्यात मुसळधार पाऊस झाला आहे. त्यामुळे तालुक्यातील महू धरण १०० टक्के भरले आहे. धरणाच्या सांडव्यावरून पाणी ओसंडून वाहू लागले आहे. तालुक्यातील कुडाळ करहर उडतरे सर्जापूर परिसरातील नदीकाठच्या गावांना धोक्याचा इशारा देण्यात आला आहे. रविवारी महु धरणातून ७०० क्युसेक्स पाण्याचा विसर्ग करण्यात आला आहे. या परिसरात येत्या २४ तासात हवामान विभागाकडून सतर्कतेचा इशारा देण्यात आला आहे.