४ ऑगस्ट, २०२४, मनमाड : कळवण तालुक्यातील पश्चिम पट्ट्यात गेल्या तीन ते चार दिवसांपासून संततधार पावसाने चणकापूर आणि पुनंद प्रकल्पाच्या लाभ क्षेत्रात जोरदार हजेरी लावली आहे. यामुळे गिरणा नदीच्या पाण्याच्या पातळीत रविवारी पहाटे पासूनच प्रचंड वाढ झाली. यामुळे गिरणा नदी दुधडी भरून वाहत आहे. देवळा तालुक्यातील सावकी-विठेवाडी गावादरम्यान असणाऱ्या गिरणानदीवरील पूल पाण्याखाली गेला आहे. रस्ता वाहतुकीसाठी बंद करण्यात आला असून, कोणीही वाहने या मार्गावरून नेऊ नयेत, असे आवाहन देवळा तहसीलदार डॉ. मिलिंद कुलकर्णी यांनी केले आहे.