८ ऑगस्ट, २०२४, नाशिक : नाशिक जिल्ह्यातील बहुतेक भागात वरच्या पावसावर कोथिंबीरीचे पीक घेतले जाते. मात्र, सध्या नाशिक मंडीमध्ये कोथिंबीरीला साधारण १००० ते १५०० रुपये दर मिळत असल्याने शेतकरी हवालदिल झाल्याचे बघावयास मिळत आहे. सध्या मजुरीचे दर हे तीनशे रुपये रोज आहेत. तसेच, भाजीपाला नेण्यासाठी वाहतूकीचे दर हजार ते पंधराशे रुपये असे आहेत. मात्र, कोथिंबीरीला तेवढेच पैशाचे दर मिळत असल्याने चांदवड तालुक्यातील शेतकरी हवालदिल झाल्याचे पाहायला मिळत आहे.