नाशिक, प्रतिनिधी, दि. ९ एप्रिल २०२४ : नाशिक ते सप्तश्रृंगीगड अशा श्री सप्तश्रृंगगडावर १ एप्रिलपासून सुरू झालेल्या वातानुकूलित इ- बससेवेला प्रवाशांचा चांगला प्रतिसाद मिळत आहे. आठवड्यात ६ हजार किलोमीटरचा प्रवास होऊन २ लाख ३२ हजाराचा व्यवसाय या दोन्ही इ-बसने दिला आहे. सप्तश्रृंगीदेवी गड रस्ता घाट व वळणाचा आहे. मात्र याचा कुठलाही परिणाम या इ-बसवर नसून पिकअपवरही काही परिणाम नाही. ठिकठिकाणी थांब्यामुळे काही प्रवाशांना उभे राहून प्रवास करावा लागतो. जर नाशिक ते गड व गड ते नाशिक असे प्रत्येक फेरीला ३५ प्रवाशी थेटचे मिळाल्यास ही बससेवा नफ्यात येऊ शकते. यंदा १६ एप्रिलपासून चैत्रोत्सव सुरू होत असल्याने बसला प्रतिसाद वाढण्याची शक्यता आहे.