नाशिक, दि. १६ मार्च, २०२४, प्रतिनिधी : नाशिकमध्ये सलग तिसऱ्या दिवशी सिटी लिंक वाहकांचा संप सुरूच आहे. कर्मचाऱ्यांची संपाची ही आठवी वेळ आहे. वेतन रखडल्यानं वाहक कर्मचारी आक्रमक झाले आहेत. लेखी आश्वासन देऊनही वेतन न झाल्याने वाहक कर्मचारी संपावर गेले आहेत. गेल्या तीन दिवसांपासून संप सुरू असल्यानं शहरातील काही भागात सिटी लिंक बस सेवा ठप्प आहेत. त्यामुळे प्रवाशांचे आणि विद्यार्थ्यांचे हाल होत आहेत.