बुलढाणा, १७ डिसेंबर २०२३, प्रतिनिधी: बुलढाणा जिल्ह्यातील ६ वर्षीय शिवराज ने महाराष्ट्रातील सर्वात उंच शिखर म्हणून ओळख असलेल्या कळसूबाईचे शिखर चढून दाखवण्याची किमया साधली आहे. लोणार येथील ६ वर्षीय शिवराज सचिन कापुरे याने याआधी देखील जॉर्ज एवरेस्ट हे शिखर सर केले आहे. कळसूबाई शिखर सर करताना शिवराजला खूप मज्जा आली असल्याचं तो सांगतो. वयाच्या अवघ्या ६ व्या वर्षी ५४२७ फूट उंच कळसूबाई शिखर शिवराज ने सर केल्याने त्याचे सर्वत्र कौतुक होत आहे.