नागपूर, १ डिसेंबर २०२३, प्रतिनिधी : राष्ट्रपती द्रौपदी मुर्मू दोन दिवसांच्या नागपूर दौऱ्यावर आहेत. शुक्रवारी १ डिसेंबर रोजी दुपारी साडेबारा वाजता राष्ट्रपतींचे नागपूर विमानतळावर आगमन झाले. शासकीय वैद्यकीय महाविद्यालय व रुग्णालयाच्या (मेडिकल) अमृत महोत्सवाचे उद्घाटन राष्ट्रपतींच्या हस्ते झाले. शनिवार २ डिसेंबर रोजी राष्ट्रसंत तुकडोजी महाराज विद्यापीठ नागपूरच्या १११ व्या दीक्षान्त समारंभात राष्ट्रपती प्रमुख अतिथी म्हणून उपस्थित असतील.