पुणे : बीडमधील मस्साजोग गावचे सरपंच संतोष देशमुखांचे हत्या प्रकरण गेल्या काही दिवसांपासून चर्चेत आहे. नुकतच पुण्यात वाल्मिक कराड याने सीआयडीसमोर शरण आला आहे. मस्साजोग गावच्या सरपंच हत्येप्रकरणी आरोप असलेला मुख्य सूत्रधार पोलिसांना शरण आला आहे. गेल्या तीन आठवड्यापासून कराड फरार होता. अखेर त्याने स्वत:ला पोलिसांना शरणागती पत्करली आहे. या प्रकरणात चार आरोपींना अटक करण्यात आली आहे. तर तीन आरोपी फरार होते. यात वाल्मिक कराड याचे नाव होते.
जय महाराष्ट्र न्यूजच्या थेट संपर्कात राहण्यासाठी व्हॉट्सअप चॅनेल वर क्लिक करा.
मी वाल्मिक कराड केज पोलीस स्टेशनमध्ये माझ्या विरोधात खोटी खंडणीची फिर्याद दाखल झाली आहे. मला अटकपूर्व अधिकार असताना मी सीआयडी ऑफिस पुणे पाषाण येथे सरेंडर होत आहे. संतोष देशमुख यांचे जे कोणी मारेकरी असतील त्यांना अटक करावी आणि त्यांना फाशीची शिक्षा द्यावी. राजकीय रोषापोटी माझे नाव त्यांच्याशी जोडले जात आहे. पोलीस तपासाचे निष्कर्ष येतील. त्यात मी जर दोषी दिसलो तर मला शिक्षा द्यावी. ती मी भोगायला तयार आहे असं वाल्मिक कराड यांनी शेअर केलेल्या व्हिडीओमध्ये म्हटले आहे.
हेही वाचा : मस्साजोग सरपंच हत्याप्रकरणी फरार आरोपी वाल्मिक कराडचे लोकेशन ट्रेस
संतोष देशमुख यांच्या हत्येनंतर राज्याचे वातावरण तापले. या प्रकरणात मंत्री धनंजय मुंडे यांचे निकटवर्तीय वाल्मिक कराड या हत्येप्रकरणातील मुख्य सूत्रधार असल्याचे म्हटले जात आहे. या प्रकरणात काही दिवसांपासून आरोप प्रत्यारोप सुरू होते. वाल्मिक कराडला अटक करावी अशी वारंवार मागणी होत होती. कराड हा फरार असल्याच्या चर्चा होत्या. तर दुसरीकडे सीआयडीचा तपास जोरदार सुरू होता. पोलिसांकडून आरोपींचे मोबाईल लोकेशन ट्रेस करण्यात आले आणि त्याचबरोबर त्यांची बँक खाती गोठवण्यात आली. त्यामुळे आरोपींचा शोध घेणे सोपे झाले. त्यामुळे कराड पोलिसांना शरण येण्याची शक्यता होती. अखेर आता कराड पोलिसांना शरणा आला आहे.