मुंबई : राज्य दहशतवाद विरोधी पथकाच्या प्रमुखपदी ज्येष्ठ आयपीएस अधिकारी नवल बजाज यांची नेमणूक करण्यात आली आहे. १९९५ च्या भारतीय पोलिस सेवेच्या तुकडीचे अधिकारी असलेले नवल बजाज सध्या केंद्रात प्रतिनियुक्तीवर सीबीआयमध्ये सह-संचालकपदावर कार्यरत होते.
महाराष्ट्र केडरचे अधिकारी असलेल्या नवल बजाज यांनी यापूर्वी मुंबई पोलिसांच्या प्रशासन शाखेचे सह-आयुक्त म्हणून काम पाहिले आहे. तसेच, मुंबई पोलिसांच्या विशेष शाखेत अतिरिक्त आयुक्तपदाचा कार्यभारही सांभाळला आहे. सध्या बजाज राज्य दहशतवाद विरोधी पथकाचे काम पाहणार आहेत.