नवी दिल्ली : राष्ट्रवादी काँग्रेसमध्ये उभी फूट पडल्यानंतर पक्ष आणि घड्याळ हे निवडणूक चिन्ह अजित पवार यांना देण्यात आले. निवडणूक आयोगाने हा निर्णय दिला आहे. या निर्णयाला शरद पवार आणि त्यांच्या समर्थकांनी न्यायालयात आव्हान दिले आहे. सर्वोच्च न्यायालयात या विषयावर मंगळवारी सुनावणी झाली. अजित पवार गटाला त्यांची बाजू मांडण्यासाठी संधी देण्याकरिता सर्वोच्च न्यायालयाने पुढील सुनावणी ६ ऑगस्ट रोजी ठेवण्याचा निर्णय घेतला. याआधी निवडणूक आयोगाने फूट पडल्यानंतर शरद पवारांच्या नेतृत्वातील गटाला राष्ट्रवादी शरदचंद्र पवार असे नाव दिले आणि तुतारी वाजवणारा माणूस हे निवडणूक चिन्ह दिले.