मुंबई : खजूर खाण्याचे आरोग्यसाठी फायदे आहेत. जे आपल्या शरीरासाठी अत्यंत उपयुक्त ठरू शकतात. खजूरमध्ये पाणी, फॅट्स, कार्बोहायड्रेट्स, प्रथिने, फायबर्स, खनिजे आणि जीवनसत्त्वे यांचा चांगला समावेश असतो.यामुळे शरीराला विविध पोषकतत्त्वे मिळतात.
हेही वाचा : कराड-मुंडेंच्या बातम्या बघितल्यानं तरुणावर हल्ला; आरोपींच्या मोबाईलवर कृष्णा आंधळेचे स्टेस्ट्स
पचन प्रक्रियेसाठी ठरते उत्तम
खजूरमध्ये भरपूर प्रमाणात फायबर असते. फायबर अन्न आतड्यांतून सहज पुढे नेण्यास मदत करते. ज्यामुळे कब्ज सारख्या समस्येवर नियंत्रण मिळवता येते. याचा अर्थ पचन प्रक्रियेसाठी खजूर खाणे फायद्याचे ठरते. कोलोन संबंधित समस्या दूर करण्यासोबतच आंतड्यामधील मायक्रोबायोमला चालणा देण्यास खजूर खाणे सर्वोत्तम ठरते.
मेंदूच्या आरोग्यासाठी फायद्याचे
खजूरमध्ये अँटीऑक्सीडेंट्स आढळतात. जे शरीरातील सूज कमी करण्यास उपयुक्त ठरते. खजूर सेवन केल्यामुळे मेंदूशी संबंधित अल्झायमरचा धोका कमी होण्यास मदत मिळते. स्मरणशक्ती सुधारण्यासही हे फळ फायद्याचे ठरते.
जय महाराष्ट्र न्यूजच्या थेट संपर्कात राहण्यासाठी व्हॉट्सअप चॅनेल वर क्लिक करा.
रक्तातील साखरेचे प्रमाण नियंत्रित ठेवणं
खजूरमध्ये नैसर्गिक गोडवा असतो. हे फळ गोड असले तरी ते आरोग्यासाठी हानिकारक ठरत नाही. यातील फायबर रक्तातील साखरेचे प्रमाणात नियंत्रित ठेवण्याचे काम करते.
त्वचेसाठी गुणकारी
खजूरमध्ये अँटीऑक्सीडेंट्स आणि फायटोहार्मोन्स हे घटक आढळतात. जे त्वचेच्या आरोग्यासाठी सर्वोत्तम ठरतात. अकाली वृद्धत्वासारख्या समस्या दूर करण्यासाठी ते उपयुक्त ठरते. चीरतारुण्य टिकवण्यासोबतच यातील अँटीऑक्सीडेंट्स त्वचेला ऑक्सीडेटिव्ह डॅमेजपासून सुरक्षित ठेवण्याचे काम करतात.
हेही वाचा : ज्येष्ठ क्रिकेट समीक्षक द्वारकानाथ संझगिरींचं निधन
रक्त वाढीसाठी देखील खजूर ठरते उपयुक्त
खजूरमध्ये आयर्नची मात्राही अधिक प्रमाणात असते. त्यामुळे हिमोग्लोबिनची कमतरता असेल तर खजूर खाणे अधिक लाभदायी ठरते. शरीरात रक्त कमी असेल किंवा इम्युनिटी कमतरता असल्याल प्रत्येक दिवशी एक खजूर खाण्याचा सल्ला दिला जातो. 2 ते 3 महिने नियमित खजूर सेवन केल्यामुळे वजन वाढीसह रक्त वाढीसही प्रोत्साहन मिळू शकते.
खजूर 8 ते 10 तास पाण्यात भिजवून ठेवा. त्यामुळे त्यातील टॅनिंस किंवा फायटिक अ‍ॅसिड निघून जातात. मग तुम्हाला त्यातील पौष्टीक घटक मिळतील. पाण्यात भिजवल्यामुळे खजूर पचवणंही सहज सुलभ होईल.