नवी दिल्ली : झारखंडचे माजी मुख्यमंत्री आणि झारखंड मुक्ती मोर्चाचे नेते चंपई सोरेन भाजपाच्या वाटेवर असल्याची चर्चा राजकीय वर्तुळात आहे. चंपई सोरेन सध्या दिल्लीत आहेत. ते भाजपाच्या नेत्यांशी चर्चा करुन पुढील निर्णय घेणार असल्याचे वृत्त आहे. चंपई यांच्या गावातील कार्यालयातले झारखंड मुक्ती मोर्चाचे झेंडे आणि पक्षाच्या नावाची मुख्य पाटी हे सर्व हटवण्यात आले आहे. डागडुजीच्या कामासाठी झेंडे आणि पाटी हटवल्याचे कारण दिले जात आहे.