नवी दिल्ली, ३ नोव्हेंबर २०२३, प्रतिनिधी : देशाची राजधानी दिल्ली आणि परिसरात प्रदूषणामुळे आज दिवसभर धुके होते. यामुळे आज हवा गुणवत्ता आणि व्यवस्थापन आयोगाने ग्रेडेड रिस्पॉन्स अॅक्शन प्लॅन (GRAP)चा टप्पा ३ लागू करण्याच्या सूचना दिल्या आहेत. दिल्लीतील आनंद विहार भागातील हवेची गुणवत्ता (AQI) शुक्रवारी (दि. ०३ नोव्हेंबर २०२३) सकाळी १० वाजता ७४० सह वर्षातील सर्वोच्च पातळीवर पोहोचली. दिल्लीच्या सरासरी हवेच्या गुणवत्तेबद्दल विचार केल्यास ते ३९२ नोंदवले गेले, जे 'अत्यंत खराब' श्रेणीमध्ये येते आणि कमाल तापमान ३०.२ अंश सेल्सिअस होते. एका आकडेवारीनुसार, दिल्लीतील ३७ क्षेत्रांपैकी किमान १८ हवेची गुणवत्ता 'गंभीर' श्रेणीत नोंदवले गेले. वाढत्या प्रदूषणामुळे सर्व शाळांना ऑनलाइन वर्ग सुरू करण्याचे आवाहन केले आहे.