संगीतकार प्रीतम चक्रवर्ती यांच्याबद्दल एक धक्कादायक बातमी समोर आली आहे. प्रीतमच्या ऑफिसमधून 40 लाख रुपये चोरीला गेले आहेत. यासंदर्भात माहिती मिळताच संगीतकाराच्या व्यवस्थापकाने पोलिसांकडे तक्रार दाखल केली आणि पोलिसांनी त्यांच्या विशेष पथकासह आरोपींचा शोध सुरू केला आहे. प्रसिद्ध संगीतकार प्रीतम चक्रवर्ती यांच्या मॅनेजरने एका ऑफिस बॉयवर 40 लाख रुपये घेऊन पळून गेल्याचा आरोप करत गुन्हा दाखल केला आहे. ही घटना 4 फेब्रुवारी रोजी घडली.
प्रीतम चक्रवर्तीच्या घरातून 40 लाखांची चोरी
मिळालेल्या प्राथमिक माहितीनुसार, ऑफिसमधून 40 लाख रुपये गायब झाल्यानंतर, प्रीतमच्या मॅनेजरने स्टाफ बॉयशी संपर्क साधण्याचा प्रयत्न केला पण त्याने फोन उचलला नाही. नंतर जेव्हा त्याने त्याचा मोबाईल फोन बंद केला तेव्हा मॅनेजरला काहीतरी गडबड असल्याचा संशय आला आणि त्याने प्रीतम चक्रवर्ती यांना कळवले. प्रीतम चक्रवर्ती यांच्या व्यवस्थापकाने मुंबईतील मालाड पोलिस ठाण्यात तक्रार दाखल केली आहे. त्यांनी या तक्रारीत म्हटलं आहे की, त्यांच्या ऑफिसमध्ये काम करणाऱ्या आशिष स्याल नावाच्या एका स्टाफ बॉयने ऑफिसमधून 40 लाख रुपये चोरले आहेत.
हेही वाचा - सोनू सूदच्या अडचणी वाढल्या! लुधियाना कोर्टाने जारी केले अटक वॉरंट; काय प्रकरण आहे? जाणून घ्या
प्राप्त माहितीनुसार, ही घटना 4 फेब्रुवारी रोजी दुपारी 2:00 वाजता घडली जेव्हा प्रॉडक्शन हाऊसमध्ये काम करणाऱ्या एका व्यक्तीने 40 लाख रुपये घेऊन प्रीतम चक्रवर्ती यांच्या कार्यालयातील त्यांचे व्यवस्थापक विनित छेडा यांना दिले. काही कागदपत्रांवर प्रीतमची सही घ्यायची असल्याने त्याने पैसे ट्रॉली बॅगमध्ये ठेवले आणि ते प्रीतमच्या घरी गेले.
हेही वाचा - उदित नारायणांचे जुने व्हिडिओ व्हायरल, नेटकऱ्यांकडून 'सीरियल किसर' टॅग
फिल्मी स्टाईलमध्ये केली चोरी -
जेव्हा व्यवस्थापक परत आला तेव्हा त्याला ट्रॉली बॅगमध्ये पैसे नसल्याचे दिसले. कर्मचाऱ्यांना विचारल्यावर त्याला कळले की, आशिष सियाल प्रीतमच्या घरी जाण्याच्या बहाण्याने पैसे घेऊन निघून गेला होता. मॅनेजरने आशिषशी संपर्क साधण्याचा प्रयत्न केला पण त्याने त्याचा फोन बंद येत होता. जेव्हा मॅनेजरला काहीतरी गडबड असल्याचे लक्षात आले, तेव्हा त्याने प्रीतम चक्रवर्तीशी बोलल्यानंतर यासंदर्भात मालाड पोलिस स्टेशनमध्ये तक्रार दाखल केली. या प्रकरणी पोलिसांनी ऑफिस बॉयविरोधात गुन्हा दाखल केला आहे. पोलिस सध्या आरोपीचा शोध घेत आहेत.