मुंबई, २७ मार्च २०२४ , प्रतिनिधी : बाबा सिद्दिकी यांचा वार्षिक इफ्तार ही एक अनोखी परंपरा झाली असून यंदाची इफ्तार पार्टी नुकतीच पार पडली. मोठ्या दिमाखात या इफ्तार पार्टीत बॉलिवुड सोबतीने अनेक इंडस्ट्रीतील बड्या लोकांनी हजेरी लावली होती.
झगमगती इफ्तार खाण्याचे अनोखे बेत, डोळ्यांना दिपवणारी सजावट आणि बरच काही असा हा इफ्तार पार्टीचा सोहळा मोठ्या दिमाखात पार पडला.
इफ्तार पार्टी ही खास ठरते ती अनेक कलाकारांच्या उपस्थितीने ! बॉलिवुड आणि मराठी इंडस्ट्रीतील कलाकार , राजकीय नेते अश्या अनेक बड्या स्टार्सनी ही इफ्तार खास केली. सगळ्यांचा लाडका भाईजान ‘सलमान खान’ ने स्वतःच्या उपस्थितीने इफ्तार पार्टीत चार चाँद लावले.
दिग्गज सलीम खान आणि खान दान परिवार या इफ्तार पार्टीत आले आणि त्यांच्या परिवाराची चर्चा झाली. लाडक्या मुली अलविरा आणि अर्पिता आणि जावई अतुल आणि आयुष यांच्यासोबत आपला धडाकेबाज नातू निर्वाण यांच्यासोबत एक सुंदर 'हम साथ साथ है' क्षण पुन्हा तयार केला.
विजय वर्मा ची अनोखी स्टाईल , खो गये हम कहां’ स्टार सिद्धांत चतुर्वेदी या दोघांची जोडी रेड कार्पेटवर सगळ्यांचं लक्ष वेधून घेणारी ठरली. हा दिवस आणखी एका गोष्टीसाठी खास झाला कारण बॉलिवुड अभिनेता इमरान हाश्मी आणि त्याचा लाडका मुलगा याने बाबा आणि झिशान सिद्दिकी यांच्या सोबतीने रेड कार्पेटवर इमरान चा वाढदिवस साजरा केला.पूजा हेगडे , अण्णा ‘सुनील शेट्टी’ ,शिल्पा शेट्टी आणि शमिता शेट्टी या सगळ्यांच्या खास लुकने उपस्थितांचे लक्ष वेधून घेतलं.
यांच्यासह या पार्टीत श्री.प्रफुल्ल पटेल (राज्यसभा सदस्य) ,सैफ बेलहासा होल्डिंग्जचे अब्जाधीश संस्थापक/अध्यक्ष डॉ. सैफ बेल्हासा यांनीही सिद्दीकीच्या इफ्तारमध्ये उपस्थिती लावली . तसेच ओरहान अवत्रामणी उर्फ "ओरी" आणि 'बिजली' पलक तिवारी यांनी रेड कार्पेटवर अनोखी जादू निर्माण केली.
प्रीती झिंटा , श्वेता तिवारी ,यो यो हनी सिंग, हुमा कुरेशी, श्रिया सरन, सुनील ग्रोवर, शहनाज गिल, करण टाकर, हिना खान, करण कुंद्रा, करण सिंग ग्रोव्हर, कुब्रा सैत, गौहर खान, फायटरचे ऋषभ साहनी, जन्नत जुबेर, फैसू, एमसी स्टेन, आवेज दरबार, मुनावर फारुकी, अंकिता लोखंडे आणि पती विकास जैन आणि बिग बॉसची संपूर्ण टीम आणि या सारख्या अनेक कलाकारांनी ही संध्याकाळ खास केली.