मुंबई, ११ मार्च २०२४ प्रतिनिधी :मुंबई मेट्रोत नोराने डान्स केल्यामुळे नेटकऱ्यांनच्या चर्चेत दिसतेय. तिच्या व्हिडीओवर अनेक वापरकर्त्यांची टीका करायला सुरुवात केली आहे.नोरा फतेही ही एक कॅनेडियन नृत्यांगना, मॉडेल आणि मोरोक्कन वंशाची अभिनेत्री आहे, जी प्रामुख्याने भारतीय चित्रपट उद्योगातील तिच्या कामासाठी ओळखली जाते. तिला तिच्या अपवादात्मक नृत्य कौशल्यासाठी आणि विविध बॉलीवूड चित्रपट आणि म्युझिक व्हिडीओमध्ये दिसण्यासाठी व्यापक ओळख मिळाली. "सत्यमेव जयते" चित्रपटातील "दिलबर" आणि "बाटला हाऊस" मधील "साकी साकी" सारख्या गाण्यांमधील तिच्या आकर्षक नृत्य सादरीकरणामुळे फतेही प्रसिद्ध झाली, जी प्रचंड हिट ठरली. तिच्या नृत्यकौशल्याशिवाय, तिने "स्ट्रीट डान्सर 3D" आणि "भारत" सारख्या चित्रपटांमध्ये देखील तिच्या अभिनय क्षमता प्रदर्शित केल्या आहेत. नोरा फतेहीची चुंबकीय स्टेजवरील उपस्थिती आणि अष्टपैलुत्वामुळे तिला भारतीय मनोरंजन उद्योगातील सर्वात जास्त मागणी असलेल्या कलाकारांपैकी एक बनवले आहे. एक साधी बेली डान्सर ते कार्यक्रमात परिक्षक असा वरचा पल्ला नोराने गाठला आहे.

सध्या सोशल मीडियावर नोराचा एक व्हिडीओ व्हायरल होतोय या व्हिडीओमध्ये ती मुंबई मेट्रोमध्ये डान्स करताना दिसत आहे. हा व्हिडीओ पाहून नेटकऱ्यांनी संताप व्यक्त केलाय.

नोरा डान्स रिऍलिटी शोमध्ये परीक्षक असल्याने शोला पोहोचण्यासाठी तिला उशीर होत असल्या कारणाने नोराने ट्रॅफिकमध्ये वेळ न घालवता मुंबई मेट्रोने प्रवास करायचे ठरवले असे म्हंटले जाते. दरम्यान नोराने मेट्रोची सगळी सुरक्षा तपासून मुंबई मेट्रोमध्ये प्रवेश केला. त्यावेळी ती चालू प्रवासात इतर प्रवाशांसोबत नाचताना दिसली एवढेच नाही तर नोरा तिची प्रसिद्ध स्टेप ट्वर्किंगही केली. त्याचबरोबर नोराने झिंगाट या मराठी गाण्यावर सुद्धा डान्स केला. पण नोराची ही वागणूक नेटकर्यांना न पटावी अशी आहे असे दृश्य दिसून येते.

नोराचा हा व्हिडिओ सोशल मीडियावर व्हायरल झाला आहे, ज्यामुळे नेटकरी तिच्या कृतीबद्दल नाराजी व्यक्त करत टिप्पण्या देत आहेत . एका वापरकर्त्याने कमेंट केली, 'ती डान्स करण्याची जागा नाही' तर दुसऱ्याने प्रश्न केला, "ती कधीच चांगले कपडे का घालू शकत नाही?" तर तिसऱ्या वापरकर्त्याने प्रश्न केला, "तू मेट्रोमध्ये का नाचत आहेस?" नेटकरी ऑनलाइन नोराबद्दल नाराजी व्यक्त करत आहेत.