Connect with us

Mumbai

उकाड्याने त्रस्त मुंबईकर हवामान बदलामुळे सुखावला

Published

on

तापदायक ऊन्हाच्या तडाख्यानंतर आता वातावरणात झालेल्या बदलामुळे मुंबईकर आता सुखावला आहे. गेल्या दोन दिवसांपासून मुंबईच्या किमान तापमानात घट नोंदविण्यात येत असून, शनिवारी १८ अंश नोंदविण्यात आलेले किमान तापमान रविवारी १७ अंश नोंदविण्यात आले आहे.

परिणामी रात्री आणि पहाटे वातावरणातील गारठा वाढल्याने मुंबईकरांना थंडीचा अनुभव येत आहे. तापमानात जसजशी घट होईल; तशीतशी थंडी आणखी वाढणार आहे.

हिवाळा सुरू झाल्याने मुंबई शहर आणि उपनगरातील रस्त्यांवर स्वेटर विक्रेत्यांनी गर्दी केली आहे.

हवामान खात्याचा अंदाज – 

मागील २४ तासांत विदर्भात तुरळक ठिकाणी पाऊस पडला आहे. कोकण, गोवा, मध्य महाराष्ट्र आणि मराठवाड्यात हवामान कोरडे होते. मध्य महाराष्ट्र, मराठवाडा आणि विदर्भाच्या काही भागांत किमान तापमानात सरासरीच्या तुलनेत उल्लेखनीय वाढ झाली आहे. कोकण, गोव्याच्या काही भागांत किमान तापमानात सरासरीच्या तुलनेत लक्षणीय वाढ झाली आहे. मध्य महाराष्ट्र आणि विदर्भाच्या उर्वरित भागात किमान तापमानात सरासरीच्या तुलनेत किंचित वाढ झाली आहे. १० आणि १२ डिसेंबर रोजी विदर्भात तुरळक ठिकाणी पाऊस पडण्याची शक्यता आहे.

कोकण, गोवा, मध्य महाराष्ट्र आणि मराठवाड्यात हवामान कोरडे राहील. १३ डिसेंबर रोजी गोव्यासह संपूर्ण राज्यात हवामान कोरडे राहील. १० आणि १२ डिसेंबर रोजी मुंबई आणि आसपासच्या परिसरात आकाश मुख्यत: निरभ्र राहील. कमाल आणि किमान तापमान अनुक्रमे ३१, १७ अंशांच्या आसपास राहील.

Continue Reading
Comments

Breaking News

महिलांवर Chemical attack करणारा विकृत अटकेत!

Published

on

मुंबई येथे रेल्वे स्टेशनवर महिला प्रवाशांच्या अंगावर केमिकल टाकणाऱ्या विकृत तरुणाला अटक करण्यात आली आहे.  निर्भया पथकाने आज अंधेरी स्थानकात आरोपीला रंगेहाथ पकडले आहे. या आरोपीने रेल्वे, मेट्रो, मुंबई शहराच्या  हद्दीत अनेक गुन्हे केले आहेत.

भूज एक्स्प्रेसमध्ये सुरतच्या दरियाबाई चौधरी यांच्या हत्याकांडाची घटना ताजी असतानाच, रेल्वेतून प्रवास करणाऱ्या महिला प्रवाशांवर केमिकल अटॅक होत असल्याची धक्कादायक माहिती समोर आली आहे. या प्रकरणी लागोपाठ दोन गुन्हे अंधेरी  रेल्वे पोलीस ठाण्यात दाखल करण्यात आले आहेत.

कसा उघडकीस आला प्रकार ?

दोन दिवसांपूर्वी अंधेरी मेट्रो स्थानकातून तक्रारदार तरुणीने नोकरीला जाण्यासाठी अंधेरी रेल्वे स्थानकाचा पूल गाठला.

अचानक तिच्या पायाकडे जळजळ झाली. तिने पाहिले तेव्हा, कसले तरी केमिकल अंगावर फेकल्याचे तिच्या लक्षात आले.

या प्रकारामुळे घाबरलेल्या तरुणीने घर गाठले. घडलेला प्रकार कुटुंबियांना सांगताच त्यांना धक्का बसला.

त्यांनी  पाहिले तेव्हा तिचा पाय लाल झाला होता.

कुटुंबियांनी मुलीला धीर देत, तिच्यासह अंधेरी रेल्वे पोलीस ठाणे गाठून तक्रार दिली.

चौकशीत यापूर्वीही अशा स्वरूपाची तक्रार आल्याची माहिती कुटुंबियांना मिळाली.

या प्रकरणी अनोळखी व्यक्तीविरुद्ध गुन्हा दाखल करण्यात आला.

तक्रारदार तरुणीवर सध्या उपचार सुरू आहेत.

अशा प्रकारे मुंबईतील अन्य रेल्वे स्थानकांवरही असा प्रकार घडल्याच्या तक्रारी समोर आल्या. अंधेरी Metro स्थानकातून अंधेरी स्थानकाकडे येणा-या प्रवाशांच्या गर्दीत हा प्रकार घडला. दोन्हीही घटना सकाळी 9.30 ते 10.30 च्या सुमारास घडल्या होत्या. या वेळेत college, job साठी प्रवास करणाऱ्या विद्यार्थिनी, महिलांची मोठ्या प्रमाणात ये-जा असते.

काय करायचा हा विकृत?

तंग कपडे पाहून, आरोपी त्यांच्या पायावर आणि कंबरेकडील भागावर केमिकल टाकायचा.

महिलांच्या पार्श्वभागावर फेविक्विक फेकायचा.

त्यानंतर काही अंतर गेल्यानंतर महिलांच्या अंगाला  जळजळ होत असे आणि आपल्यावर chemical टाकल्याचं तरुणींच्या निदर्शनास यायचं


आरोपी परिचय –

आरोपीचं नाव रणवीर चौधरी, वय 24.

राहणारा उत्तर प्रदेशचा.

दोन वर्षांपूर्वी कामानिमित्त मुंबईत आला.

चांदिवलीत मित्रांसोबत तो राहायचा.

लोअर परेल येथील फर्निचरच्या दुकानात काम करत होता.

तक्रारींनंतर साध्या गणवेशातील पोलीस आरोपीचा शोध घेत होते आणि निर्भया पथक देखील आरोपीचा मागावर होते. आज अखेर आरोपीच्या रंगेहाथ मुसक्या आवळण्यात आल्या आहेत.

 

 

Continue Reading

Mumbai

फॅशनेबल वस्तूंच्या नावाखाली शस्त्रविक्री, भाजप पदाधिकाऱ्याला अटक

Published

on

By

फॅशनेबल वस्तूंच्या नावाखाली शस्त्रास्त्रांची विक्री करणाऱ्या दुकानदाराला कल्याण गुन्हे अन्वेषणने अटक केली आहे. धनंजय कुलकर्णी असं या दुकानदाराचे नाव असून तो डोंबिवली पूर्वेतील भाजपचा पदाधिकारी असल्याची प्राथमिक माहिती आहे. सोमवारी रात्री दुकानावर धाड टाकून धनंजयला कल्याण न्यायालयात हजर केले असता त्याला 14 दिवसांची न्यायालयीन कोठडीत सुनावण्यात आली आहे.

मानपाडा रोड परिसरात असणाऱ्या ‘तपस्या हाऊस ऑफ फॅशन’ या नावाच्या दुकानातून धनंजय फॅशनेबल वस्तूंची विक्री करतो. या दुकानात मोठ्या प्रमाणात प्राणघातक शस्त्रांचा साठा असल्याची माहिती कल्याण गुन्हे अन्वेषणचे वरिष्ठ पोलीस निरीक्षक संजू जॉन यांना मिळाली होती.

कसं पकडलं शस्त्रास्त्रं विक्रेत्याला?

बोगस गिऱ्हाईक पाठवून कल्याण गुन्हे अन्वेषण पथकाने प्रथम शस्त्रास्त्रंविक्रीची खात्री केली.

सोमवारी रात्री साडेआठच्या सुमारास अचानक धाड टाकली.

त्यावेळी इतक्या मोठ्या प्रमाणावर असलेली शस्त्रे विक्रीसाठी ठेवल्याचे पाहून पोलीसही अवाक झाले.

रात्रभर दुकानाची झाडाझडती घेतल्यानंतर पोलिसांनी 62 स्टील आणि पितळी धातूचे फायटर्स,

38 बटनचाकू, 25 चॉपर्स, 10 तलवारी, 9 कुकऱ्या, 9 गुप्त्या, 5 सुरे, 3 कुऱ्हाडी, 1 कोयता आणि एक एयरगनसह मोबाइल आणि काही रोख रक्कम असा सुमारे 1 लाख 86 हजार रुपये किंमतीचा शस्त्रास्त्रांचा साठा हस्तगत केला आहे.

आरोपी धनंजय कुलकर्णी हा कर्जबाजारी झाला आहे.

गेल्या 8 ते 9 महिन्यांपासून सदर दुकानात शस्त्रास्त्रे विक्री करत आल्याचेही समोर आले असून ही शस्त्रे त्याने मुंबईतील क्रॉफर्ड मार्केट, तसेच पंजाब, राजस्थान राज्यातून आणल्याचे पोलीस तपासात उघड झाले आहे.

राष्ट्रवादीचा हल्लाबोल

दरम्यान या घटनेचा राष्ट्रवादी काँग्रेस पक्षाने तीव्र शब्दात निषेध केला आहे. आगामी निवडणुकीसाठी विरोधकांना धमकवण्यासाठी हा शस्त्रसाठा ठेवलाय का असा संशय डोंबिवली माजीसभापती आणि ज्येष्ठ नागरिक वंडारशेठ पाटील यांनी प्रतिक्रिया व्यक्त केलीय. आज या घटनेनंतर राष्ट्रवादी काँग्रेस पार्टीचे प्रदेशाध्यक्ष जयंत पाटील यांनी ही मुख्यमंत्र्यांचा नावे उत्तर द्या म्हणून पत्रकही काढलं.

Continue Reading

Mumbai

Youtube वर व्हिडिओ, आत्महत्येचा आराखडा आणि शाळकरी मुलाची आत्महत्या!

Published

on

By

नालासोपाऱ्यात राहणाऱ्या एक 13 वर्षीय मुलाने आपल्या सोसायटीतील गार्डनमध्ये गळफास लावून आत्महत्त्या केल्याची दुर्दैवी घटना समोर आली आहे. विशेष बाब म्हणजे या चिमुकल्याने मारणाआधी आपल्या आत्महत्येचा आराखडा तयार केल्याची धक्कादायक बाब समोर आली आहे.

 

आणि केली आत्महत्या…

हुसेफा हा टेकनोसॅव्ही होता तो सतत युट्यूब वरून व्हिडिओ बघून सतत काही ना काही बनवत असायचा.

15 जानेवारी रोजी रात्री हुसेफा खाली खेळायला जातो असं सांगून गेला, तो परत आलाच नाही.

जेवणानंतर शतपाऊली साठी आलेल्या लोकांनी हुसेफा सोसायटीतील गार्डनमधील एका खांबाला लटकून उभा असल्याचं दिसलं.

पण तो काहीच हालचाल करत नसल्याने लोकांना संशय आला.

त्यांनी जेव्हा जवळ जाऊन पाहिलं तेव्हा त्यांना धक्काच बसला.

हुसेफाने नायलॉन च्या दोरीने गळफास घेऊन आत्महत्या केली होती.

 

हे ही वाचा- ‘ऑनलाईन स्वर्गप्राप्ती’च्या नादात 15 वर्षीय मुलीची आत्महत्या!

 

धक्कादायक आराखडा

जेव्हा हुसेफाच्या दप्तराची तपासणी केली, तेव्हा एक धक्कादायक प्रकार समोर आला.

हुसेफाने आपल्या एका वहीत आत्महत्येचा आराखडाच तयार केला होता.

त्यात त्याने आपल्या मृत्यूची वेळ सुद्धा लिहली होती.

या वहीत एक पंख्याचे चित्र असून त्यात एक मुलगा गळफास घेत असल्याचं चित्र होतं.

हुसेफाने याआधीसुद्धा आत्महत्त्या करण्याचा प्रयत्न केला असल्याचं म्हटलं जातं होतं.

तो आपल्या मोबाईलच्या youtube वर ‘फासी का फंदा’ हे ऍपसुद्धा तपासलं असल्याचं निष्पन्न झालं.

तुलिंज पोलिसांनीं या घटनेची अकस्मात मृत्यूची नोंद करत तपास सुरू केला आहे. मात्र अद्यापही हुसेफाच्या आत्महत्येचं कारण समोर आलेलं नाही. यापूर्वीही यूट्यूबवर स्वर्गप्राप्तीसंदर्भातले व्हिडिओ ऍपवर वारंवार पाहून 15 वर्षीय मुलीने घराच्या बाथरूम गळफास लोवून आत्महत्या केल्याची घटना भोईवाडा येथे घडली होती.

Continue Reading

Poll

विधानसभा निवडणुकींचा निकाल भाजपसाठी धोक्याची घंटा आहे, असं वाटतंय का?

Cricket Score Cards

Name POS Played Won Lost Points NRR

WI

1 3 3 0 6 2.9

ENG

2 3 2 0 5 2.269

SL

3 4 1 2 3 -1.171

SA

4 3 1 2 2 -0.914

BAN

5 3 0 3 0 -2.162

AUS

1 3 3 0 6 2.946

IND

2 3 3 0 6 1.634

NZ

3 3 1 2 2 -0.217

PAK

4 4 1 3 2 -0.987

IRE

5 3 0 3 0 -2.905
Name POS Played Won Lost Points NRR
Advertisement

Trending